فۋتبولدان قازاقستان ۇلتتىق قۇراماسىنىڭ قورعاۋشىسى نۇرالى ءالىپ قارسىلاستارىنان دوپتى تارتىپ الۋ ستاتيستيكاسى بويىنشا ەۋروپاداعى ەڭ ۇزدىك ءۇش قورعاۋشىنىڭ قاتارىنان تابىلدى.
ەۋروپا فۋتبول قاۋىمداستىعى وداعى (ۋەفا) ۇسىنعان مالىمەت بويىنشا, وتانداسىمىز ەۋرو-2024 ىرىكتەۋ كەزەڭىندە وتكىزگەن جەتى كەزدەسۋدە قارسىلاس كوماندانىڭ فۋتبولشىسىنان 54 مارتە دوپتى تارتىپ الىپ, ەڭ ۇزدىك قورعاۋشىلار تىزىمىندە ءۇشىنشى ساتىعا ورنالاسقان. ۇزدىكتەر كوشىن فينليانديالىق روبەرت يۆانوۆ (67) پەن نورۆەگيالىق لەو وستيگور (55) باستاپ تۇر.
رەيتينگتىڭ ءتورتىنشى جانە بەسىنشى ساتىلارىنا «مانچەستەر ءسيتيدىڭ» شۆەيتساريالىق قورعاۋشىلارى مانۋەل اكاندجي (50) مەن پورتۋگاليالىق رۋبەن دياش (46) جايعاسقان. سونداي-اق نۇرالى «SofaScore» ساراپتاما پورتالىنىڭ دەرەگى بويىنشا ۇلتتىق قۇراما ويىنشىلارىنىڭ ىشىندە ەڭ جوعارى ۇپايعا يە بولدى – 7,10.