فۋتبولدان 21 جاسقا دەيىنگى قازاقستان ۇلتتىق قۇراماسى ەۋروپا چەمپيوناتىنىڭ ىرىكتەۋ كەزەڭى اياسىنداعى كەزەكتى ويىنىن ەلوردادا وتكىزىپ, بۇل جولى دا جانكۇيەرلەردى جەرگە قاراتتى.
قايرات نۇرداۋلەتوۆ جاتتىقتىراتىن ەلىمىزدىڭ جاستار قۇراماسى بىرەر كۇن بۇرىن عانا وزبەكستان جاستارىمەن تەڭ ويناعان (0:0) يسپانيا فۋتبولشىلارىن جەڭە المادى. «استانا ارەنا» ستاديونىندا وتكەن توپتىق كەزەڭنىڭ ءۇشىنشى تۋر ويىنىندا جەرلەستەرىمىز قارسىلاستارىنا 4:0 ەسەبىمەن جول بەردى. «قىزىل فۋريا» ساپىنان ءبىرىنشى تايمدا «بارسەلونا» فۋتبول كلۋبىنىڭ تۇلەگى فەرمين لوپەس مەرگەندىگىمەن كوزگە تۇسسە, ەكىنشى تايمدا تەمىرلان اناربەكوۆ («قايرات») قورعاعان قاقپاعا «ۆالەنسيا» فۋتبولشىلارى ديەگو لوپەس پەن فران پەرەس, «الاۆەس» كلۋبىنىڭ ويىنشىسى سامۋ ءبىر-ءبىر مارتەدەن ساڭىلاۋ تاپتى.
وسىلايشا, قازاقستان جاستار قۇراماسى 2025 جىلعى ەۋروپا ىرىكتەۋ كەزەڭىندەگى ءۇشىنشى ويىنىن وتكىزىپ, قاتارىنان ءۇشىنشى ماتچتا جەڭىلدى. مۇنىڭ الدىندا جەرلەستەرىمىز سىرت الاڭدا ماجارستان (2:0) جانە بەلگيا (1:0) قۇرامالارىنا جول بەرگەن ەدى. جەرلەستەرىمىز كەلەسى ويىنىن 16 قاراشا كۇنى سىرت الاڭدا مالتا قۇراماسىمەن وتكىزىپ, وسى جىلعى ويىندارىن اياقتايدى.