قىتاي حالىق رەسپۋبليكاسىنا رەسمي ساپارمەن بارعان مەملەكەت باسشىسى قاسىم-جومارت توقاەۆ ء«بىر بەلدەۋ, ءبىر جول» حالىقارالىق ىنتىماقتاستىعىنىڭ III فورۋمىنىڭ اشىلۋ راسىمىنە قاتىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قازاقستان پرەزيدەنتىنىڭ بەيجىڭگە رەسمي ساپارىنىڭ ەكىنشى كۇنى ء«بىر بەلدەۋ, ءبىر جول» حالىقارالىق ىنتىماقتاستىعىنىڭ III فورۋمىنىڭ اشىلۋ راسىمىنە قاتىسۋدان باستالدى. مەملەكەت باسشىسى ءداستۇرلى قوناقجايلىعى مەن فورۋمدى ءمىنسىز ۇيىمداستىرعانى ءۇشىن قحر توراعاسى سي تسزينپينگە العىس ايتتى. قاسىم-جومارت توقاەۆ ءوز سوزىندە قىتايدىڭ جاھاندىق قاۋىپسىزدىكتى قامتاماسىز ەتۋ ىسىندەگى شەشۋشى رولىنە نازار اۋدارىپ, ونى ەكونوميكالىق جانە تەحنولوگيالىق دامۋدىڭ لوكوموتيۆى رەتىندە اتاپ ءوتتى», دەلىنگەن حابارلامادا.
«قازىرگى گەوساياسي جاعدايدا ء«بىر بەلدەۋ, ءبىر جول» باستاماسى قاجەتتى حالىقارالىق جوباعا جانە ىنتىماقتاستىقتىڭ ءىرى پلاتفورماسىنا اينالدى. بۇل جوبا قىتايدىڭ ەكونوميكالىق قۋاتىن, سونداي-اق ونىڭ جاھاندىق دەڭگەيدەگى جاڭا بەلەستەردى باعىندىرۋعا ۇمتىلىسىن كورسەتەدى. وسىدان ون جىل بۇرىن ءسىز قازاقستاندا العاش رەت ء«بىر بەلدەۋ, ءبىر جول» ۇزاقمەرزىمدى باستاماسىن ۇسىنىپ, ونىڭ باستى قوزعاۋشى كۇشى بولدىڭىز. مۇنىڭ سيمۆولدىق ءمانى زور. وسى ماڭىزدى مەرەيتويدى اتاپ وتە وتىرىپ, بۇگىندە ءسىزدىڭ باستاماڭىز ءوزىنىڭ قاجەتتىلىگىن كورسەتتى جانە الەمدىك قوعامداستىق تاراپىنان مويىندالىپ, جاھاندىق اۋقىمداعى ۇلكەن جوباعا اينالدى دەپ سەنىمدى تۇردە ايتا الامىز. وسى جوباعا قاتىسۋشى مەملەكەتتەردىڭ باستامالارى ارقاسىندا ازيا, ەۋروپا جانە افريكانىڭ 150-دەن استام ەلى تارام-تارام تەمىرجولدار جەلىسى, جوعارى جىلدامدىقتى كۇرە جولدار جانە تەڭىز جولدارى ارقىلى بايلانىس جاساپ وتىر», دەدى پرەزيدەنت. مەملەكەت باسشىسى ء«بىر بەلدەۋ, ءبىر جول» جوباسىنىڭ تەڭدەسسىز ءارى اۋقىمدى حالىقارالىق ىنتىماقتاستىق ءۇشىن پارمەندى پلاتفورماعا اينالعانىن اتاپ ءوتتى. سونىمەن قاتار بۇل جوبا بۇگىنگىدەي الماعايىپ كەزەڭدە, «الەم ەكونوميكاسىنىڭ جىلدام قۇبىلىپ تۇرعان جاعدايىندا قازىرگى زاماننىڭ اسا كۇردەلى سىن-قاتەرلەرىنە ءتيىمدى توتەپ بەرە الاتىن جانە مەملەكەتتەرىمىز ءۇشىن جالپىعا ورتاق يگىلىككە اينالعانىن دا ايتتى.