مەكتەپ اسحاناسىنداعى تۇسكى استىڭ قۇنىنا ەندى ازىق-ت ۇلىك باعاسى عانا ەمەس, كاسىپكەرلەردىڭ باسقا دا شىعىندارى كىرەدى. بۇل تۋرالى استانا قالاسى ءبىلىم باسقارماسى باسشىسىنىڭ ورىنباسارى سەرىك ادىلباەۆ ايتتى, دەپ حابارلايدى Egemen.kz.
«مەكتەپ وقۋشىلارىنىڭ تۇسكى اس باعاسى جىل سايىن ءوسىپ كەلەدى. تۇسكى اس باعاسى 440 تەڭگە بولسا, 2023 جىلدىڭ قاڭتار ايىندا 30 پايىزعا ءوسىپ, 584 تەڭگەنى قۇرادى. بۇل كەزدە ازىق-ت ۇلىك باعاسىنىڭ ءوسۋى ەسكەرىلەدى. بىزدە جاڭا ءمازىر ازىرلەۋ جوسپارلارى بار, ول قازىردىڭ وزىندە اياقتالۋ ساتىسىندا. قۇنى دا جاڭا بولادى. ونى ازىرلەگەننەن كەيىن ماسليحاتپەن, سودان كەيىن نورماتيۆتىك قۇجاتتارمەن بەكىتەمىز», دەدى سەرىك ادىلباەۆ.
باسشىنىڭ ايتۋىنشا, مەكتەپتەگى تۇسكى اس باعاسى 800 تەڭگە شاماسىندا بولادى. ال كۇزدە باعا ازىرگە وزگەرمەيدى.
جاڭا ءمازىردى ازىرلەۋگە ارنايى استانا مەديتسينا ۋنيۆەرسيتەتى مەن استانا مەكتەپتەرىندەگى ازىق-ت ۇلىك جەتكىزۋشىلەر قاۋىمداستىعىنىڭ ماماندارى تارتىلادى.
ء«بىز كاسىپكەرلەر مەن مامانداردىڭ پىكىرلەرىن ەسكەرەمىز. ءمازىردى ازىرلەۋ كەزىندە كالوريا مولشەرى, دارۋمەننىڭ مازمۇنى, كولەمى جانە ءوندىرۋ تەحنولوگياسى بويىنشا بەلگىلى ءبىر كەلىسىمدەر جۇزەگە اسىرىلادى. باسقا شىعىنداردىڭ باعاسى ورتاشا ستاتيستيكالىق كورسەتكىشتەرگە نەگىزدەلگەن. قازىر باعانى بەكىتۋ جۇمىستارى جۇرگىزىلىپ جاتىر», دەپ ءتۇسىندىردى قالالىق ءبىلىم باسقارماسى باسشىسىنىڭ ورىنباسارى.