بۇگىن وسكەمەندەگى پريمىكانيە كوشەسىندە ورنالاسقان جشس اۋماعىندا ءورت شىقتى. ماي سىعىمداۋ كەشەنىنىڭ كەپتىرۋ كامەراسىندا 75 توننا كۇنباعىس ءدانى ورتەنگەن. بۇل تۋرالى شقو تجد ءباسپاسوز قىزمەتى حابارلادى, دەپ جازادى Egemen.kz.
ۆەدومستۆونىڭ مالىمەتىنشە, ورت تەحنولوگيالىق پروتسەستىڭ بۇزىلۋىنان بولۋى مۇمكىن. زارداپ شەككەندەر مەن قۇربان بولعاندار جوق. ءورت ساعات 08:28-دە تولىعىمەن سوندىرىلگەن.
«شقو تجد ءورت سوندىرۋشىلەرى شامامەن 3000 توننا دايىن ءونىمدى امان الىپ قالىپ, وتتىڭ جاقىن ماڭدا ورنالاسقان ءورت قاۋىپتى قۇرىلىمدارعا تارالۋىنا جول بەرمەدى. ءورتتى سوندىرۋگە شقو تجد جەكە قۇرامىنان 63 ادام مەن 18 بىرلىك تەحنيكا, «تازا وسكەمەن» جشس-دان 6 ادام مەن 3 بىرلىك تەحنيكا, سونداي-اق قتج ۇك اق ءورت ءسوندىرۋ پويىزى جۇمىلدىرىلدى», دەلىنگەن حابارلامادا.