ءىىم-دە «دينامو» دەنە شىنىقتىرۋ جانە سپورت قوعامى» قوعامدىق بىرلەستىگى تورالقاسىنىڭ وتىرىسى ءوتىپ, جيىندا سپورتتىق قوعامداستىق مۇشەلەرىنىڭ ءبىراۋىزدان قابىلداعان شەشىمىمەن ىشكى ىستەر ءمينيسترى ەرجان سادەنوۆ «دينامو» قوعامدىق بىرلەستىگىنىڭ توراعاسى بولىپ سايلاندى, دەپ حابارلايدى Egemen.kz ءىىم ءباسپاسوز قىزمەتىنە سىلتەمە جاساپ.
ء«ىىم جانە «دينامو» سپارتاكيادالارىنىڭ تانىمالدىعى جىل سايىن ارتىپ كەلەدى. بۇعان سپورت تۇرلەرى بويىنشا سايىسقا قاتىسۋشىلار سانىنىڭ ارتۋى دالەل. بيىل حالىقارالىق جارىستاردا «دينامو» تاربيەلەنۋشىلەرى 100-دەن استام مەدال جەڭىپ الدى. ماسەلەن, جازعى ازيا ويىندارىندا وتانداستارىمىز جەڭىپ العان 80 جۇلدەنىڭ 43-ءى «دينامو» سپورتشىلارىنا تيەسىلى. 10 التىن جۇلدە ءبىزدىڭ سپورتشىلارىمىزدىڭ قورجىنىندا», دەدى «دينامو» سپورت قوعامى توراعاسىنىڭ ءبىرىنشى ورىنباسارى اسقار ومارقۇلوۆ.
تورالقا مۇشەلەرى جۇمىستى قورىتىندىلاپ قانا قويماي, الداعى كەزەڭگە ارنالعان نەگىزگى مىندەتتەردى ايقىندادى. ەرجان سادەنوۆ وڭىرلەردەگى پوليتسيا دەپارتامەنتتەرىنىڭ باستىقتارىنا «دينامو» فيليالدارىمەن بىرلەسىپ, بۇقارالىق سپورتتى دامىتۋعا بەلسەندى قاتىسۋدى تاپسىردى.
«ۇيىم ماقساتى سپورتتا جەتىستىككە جەتۋ عانا ەمەس, سونىمەن قاتار بالالار قىلمىسىنىڭ الدىن الۋ بولىپ تابىلادى. سپورت – قىلمىس پەن قۇقىق بۇزۋشىلىقتىڭ الدىن الۋداعى نەگىزگى قۇرالداردىڭ ءبىرى. بالالار مەن جاسوسپىرىمدەرگە ارنالعان سەكتسيالاردى كوبەيتۋ قاجەت. وسكەلەڭ ۇرپاقتىڭ سپورتقا دەگەن قىزىعۋشىلىعىن وياتىپ, قامقورلىعىمىزعا الۋ ارقىلى بالالاردىڭ تۇلعا رەتىندە قالىپتاسۋىنا مۇمكىندىك بەرەمىز», دەپ اتاپ ءوتتى مينيستر.
«دينامو» ۇيىمىندا 102 ەڭبەك سىڭىرگەن سپورت شەبەرى, 253 حالىقارالىق دارەجەدەگى سپورت شەبەرى جانە 574 قر سپورت شەبەرى دايىندالعان. ەلىمىزدەگى ۇلتتىق قۇراما مۇشەلەرىنىڭ 80%-ىن وسى سپورت قوعامىنىڭ وكىلدەرى قۇرايدى.