مەملەكەت باسشىسى قازاق بوكسشىسىن ايتۋلى جەڭىسىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى رەسمي تەلەگرام ارناسىندا جازدى, دەپ حابارلايدى Egemen.kz.
پرەزيدەنت قاسىم-جومارت توقاەۆ قازاقتىڭ كاسىبي بوكسشىسى جانىبەك ءالىمحان ۇلىن WBO جانە IBF تۇجىرىمدارىنان الەم چەمپيونى اتاعى ءۇشىن گەرمانيالىق ۆينچەنتسو گۋالتەريمەن وتكەن جەكپە-جەكتەگى جارقىن جەڭىسىمەن قۇتتىقتادى.
«جانىبەك قازاق بوكس مەكتەبىنىڭ جوعارى دەڭگەيى مەن مىقتىلىعىن الەمگە تاعى دا پاش ەتتى. بۇل جەڭىس بوكسپەن اينالىساتىن جاستاردى بيىك بەلەستەردى باعىندىرۋعا ىنتالاندىرادى. سىزگە زور دەنساۋلىق, باق-بەرەكە تىلەيمىن. جەڭىستەن جەڭىسكە جەتە بەرىڭىز!», دەپ جازدى مەملەكەت باسشىسى Twitter پاراقشاسىندا.