الەمدىك دودانىڭ اۋىلى الىس ەمەس

استاناداعى جاقسىلىق ۇش­كەمپىروۆ اتىنداعى «جەكپە-جەك» سپورت كەشەنىندە وتكەن ويىندا الاڭ يەلەرى ءبىرىنشى تايمنىڭ 8-مينۋتىنا دەيىن 0:2 ەسەبىمەن جەڭىلىپ جاتىپ, ماتچ سوڭىندا تاماشا كامبەك جاسادى. ەلورداداعى كەزدەسۋ دە باكۋدەگى ماتچتىڭ ستسە­ناريىمەن باستالدى. ءبىر-ءبىرىنىڭ قىر-سىرىن جاقسى بىلەتىن كوماندالار العاشقى مينۋتتاردان اڭدىسىپ جاتپاي, بىردەن ىسكە كىرىستى. ماتچ باسىندا دۋگ­لاس پەن ءبىرجان ورازوۆتا گول سوعاتىن تاماشا مۇمكىندىك بول­عانىمەن, ەكەۋى دە وڭتايلى ءسات­تى پايدالانا المادى. ەسەسىنە 4-مينۋتتا يگيتا قورعاعان قاق­پاعا العاشقى قاۋىپتى شابۋىلىن ۇيىمداستىرعان قوناقتار ءبىرىنشى مۇمكىندىگىنەن-اق ويىن­نىڭ ەسەبىن اشتى. ەدسوندى قا­پى قالدىرىپ, ايىپ دوبىنىڭ ما­ڭايىنان سول اياعىمەن جوي­قىن سوققى جاساعان امادەۋ ازەر­بايجان قۇراماسىن ەسەپتە العا شىعاردى. ارادا ءتورت مينۋت وتكەندە قوناقتار ەسەپتەگى باسىمدىعىن نىعايتتى – 2:0. بۇل جولى دا گول ءبىزدىڭ قاقپامىز­­عا ەدسوننىڭ قاتەلىگىنەن كەيىن سوعىلدى. قورعاۋشىمىزدىڭ الاڭ ورتاسىنداعى ورەسكەل قا­تەلىگىنەن سوڭ قارسىلاس كومان­دانىڭ فۋتزالشىلارى بىر­دەن قارىمتا شابۋىلعا شىعىپ, كاردوزونىڭ تەپكەن دوبى قاقپا تورىندا تۋلادى.

قاقپامىزعا ەنگەن ەكىنشى گولدان كەيىن كاكا باپكەر بىردەن تايم-اۋت الىپ, فۋتزالشىلارعا قاجەتتى نۇسقاۋلىعىن بەرىپ, جىگىتتەردى جىگەرلەندىردى. شاعىن ۇزىلىستەن سوڭ ۇلتتىق قۇرامانىڭ ويىنى جاندانا ءتۇستى. سونىڭ ناتيجەسىندە 13-مينۋتتا لەو الاڭ ورتاسىنان توعىزدىقتى ءدال كوزدەپ, تابلوداعى كورسەتكىشتى ءبىر گولعا قىسقارتسا, 18-مينۋتتا ءبىرجان ورازوۆ لەونىڭ پاسىنان كەيىن تارازى باسىن تەڭەستىردى – 2:2. ءسويتىپ, كوماندالار ۇزىلىسكە تەڭ ەسەپپەن شىقتى.

الەم چەمپيوناتىنا شىعۋ ءۇشىن ىرىكتەۋ كەزەڭىندەگى ءاربىر ويىندا جەڭىسكە جەتۋ اسا ما­ڭىزدى ەكەنىن جەتە تۇسىنگەن جەر­لەستەرىمىز ەكىنشى تايمدى دا بەل­سەندى باستاپ, 22-مينۋتتا ەسەپتە العا شىقتى – 3:2. بۇل جولى دۋگلاس مەرگەندىگىمەن كوزگە ءتۇس­تى. ماتچ سوڭىنا دەيىن 3:2 ەسە­بى ساقتالىپ, ۇلتتىق قۇراما فۋت­زالشىلارى جىگەرلى جەڭىس­كە قول جەتكىزدى. ءسويتىپ, ىرىكتەۋ كە­زە­ڭىندەگى ءتورت ويىننىڭ بار­لى­عىندا قارسىلاستارىنان باسىم تۇسكەن جەرلەستەرىمىز 100 پايىزدىق كورسەتكىشپەن تۋرنير كەستەسىندە جەكە-دارا كوش باستادى.

ەكى ۇجىم اراسىنداعى ال­عاشقى ويىنعا قاراعاندا بۇل جولعى ماتچتا ازەربايجان فۋت­­­­زال­شىلارى جاقسى دايىن­دىقپەن كەلگەنى بايقالىپ تۇر­­­دى. ماتچتىڭ ءبىرىنشى مي­نۋ­تى­نان سوڭعى سەكۋندىنا دەيىن قوناقتار ويىنداعى ءار­بىر دوپقا تالاس جۇرگىزىپ, بەل­سەندى ويىن ورنەگىن كورسەتتى. دە­گەنمەن ەل قۇراماسى بۇل ماتچ­تا حالىقارالىق ويىندار­دا­عى تاجىريبەسى مەن ريكاردو كاكانىڭ­ ۇتىمدى تاكتيكاسىنىڭ ارقا­سىندا جەڭىسكە جەتە ءبىلدى.

ا توبىندا ءبىر كۇن بۇرىن امستەردامدا وتكەن نيدەرلاند پەن رۋمىنيا قۇرامالارى ارا­سىنداعى ماتچتا تاراپتار ۇپاي بولىسۋگە ءماجبۇر بولدى – 1:1. ءسويتىپ, ەليتالى كە­زەڭ­نىڭ ءتورتىنشى تۋرىنان كە­يىن قازاقستان قۇراماسى 12 ۇپاي­مەن «ا» توبىندا كوش باستاپ كەلەدى. ەكىنشى ورىنعا 7 ۇپايى بار رۋمىنيا فۋتزالشىلارى جايعاسسا, ءۇشىنشى ورىنعا ءتورت ويىندا ءبىر عانا جەڭىسى بار ازەربايجان قۇراماسى تۇ­راقتادى. ال رۋمىنيامەن وت­كەن ويىندا وسى ىرىكتەۋدەگى ال­عاشقى ۇپايىنا قول جەتكىزگەن نيدەرلاند كوش سوڭىندا قالىپ قويدى.

ەندى قازاقستان ۇلتتىق قۇ­راماسى توپتاعى كەلەسى ويىنىن 14 جەلتوقسان كۇنى ەلوردادا نيدەرلاندپەن وتكىزەدى. ەگەر وسى ويىندا جەرلەستەرىمىز جەڭىسكە جەتەتىن بولسا, وندا ۇلتتىق قۇ­راما مەرزىمىنەن بۇرىن كە­لەسى جىلى وزبەكستاننىڭ باس شا­ھارى – تاشكەنتتە جالاۋى جەلبىرەيتىن الەم چەمپيوناتىنا جولداما الادى. ال توپتاعى سوڭعى ويىنىن ريكاردو كاكا شاكىرتتەرى 20 جەلتوقساندا سىرت الاڭدا رۋمىنيامەن وتكىزەدى.