ۇلان سارقۇلوۆ پەن ماقسات جەبەگەنوۆ سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارلارى بولىپ تاعايىندالدى. اقوردا ءباسپاسوز قىزمەتى مەملەكەت باسشىسىنىڭ وكىمدەرىن جاريالادى, دەپ جازادى Egemen.kz.
مەملەكەت باسشىسىنىڭ وكىمدەرىمەن:
ۇلان سەرىك ۇلى سارقۇلوۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) توراعاسىنىڭ ءبىرىنشى ورىنباسارى بولىپ تاعايىندالدى, ول بۇرىنعى اتقارعان لاۋازىمىنان بوساتىلدى; ماقسات مىرزاحان ۇلى جەبەگەنوۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) توراعاسىنىڭ ورىنباسارى لاۋازىمىنا تاعايىندالدى.