قىرعىزستاننىڭ باس شاھارى بىشكەكتە ۇيىمداستىرىلعان جاستار اراسىنداعى سامبودان الەم چەمپيوناتى مارەسىنە جەتتى.
سپورتتى دامىتۋ ديرەكتسياسىنىڭ ءباسپاسوز قىزمەتى تاراتقان مالىمەت بويىنشا, ءۇش كۇنگە سوزىلعان جاس سپورتشىلار اراسىنداعى جاھاندىق دودادا الەمنىڭ 28 ەلىنەن كەلگەن بالۋاندار جاۋىنگەرلىك جانە سپورتتىق سامبودان 37 سالماقتىڭ ۇزدىكتەرىن انىقتادى.
الەم بىرىنشىلىگىندە قازاقستان ۇلتتىق قۇراماسىنىڭ سپورتشىلارى دا ونەر كورسەتىپ, ءتاۋىر ناتيجەگە قول جەتكىزدى. اتاپ ايتار بولساق, جاھاندىق جارىستا جەرلەستەرىمىز 4 التىن, 6 كۇمىس جəنە 12 قولا جۇلدەگە قول جەتكىزىپ, جالپىكوماندالىق ەسەپتە 2-ورىن الدى. مۇندا حالىقارالىق سامبو فەدەراتسياسىنىڭ كومانداسى (رەسەي سامبوشىلارى) توپ جارسا, ۇزدىك ۇشتىكتى وزبەكستان سپورتشىلارى تۇيىندەدى.