قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي ناۋرىزباي قاجى تاعان ۇلى «دومبىرا تارتۋ حارام با؟» دەگەن سۇراققا جاۋاپ بەرىپ, قوعامدا قىزۋ تالقىلانعان داۋلى ماسەلەنىڭ نۇكتەسىن قويدى, دەپ جازادى Egemen.kz.
وتاندىق باق تىلشىلەرى قمدب توراعاسىنان «دومبىرا تارتۋ نەمەسە مۋزىكا تىڭداۋ يسلامدا حارام سانالا ما؟» دەگەن سۇراقتىڭ جاۋابىن الدى.
«قمدب بۇعان دەيىن دە بۇل ماسەلە توڭىرەگىندە تۇسىنىكتەمە بەرگەن ەدى. بۇگىن بەيبىتشىلىك جانە كەلىسىم سارايىندا پايعامبارىمىزدىڭ قۇرمەتىنە بىرنەشە ءىس-شارا وتكىزىلىپ, وندا دومبىرا جانە باسقا ۇلتتىق مۋزىكالىق اسپاپتار تارتىلدى. بۇل حارام ەمەس», دەدى ناۋرىزباي قاجى تاعان ۇلى بەيبىتشىلىك جانە كەلىسىم سارايى كۋلۋارىندا.