جاپونيانىڭ كيۋسيۋ ارالىندا ۆەلوسپورتتان العاش رەت ۇيىمداستىرىلعان «كيۋسيۋ تۋرى» اياقتالدى. ءۇش كۇندىك ۆەلوجارىستا «Astana Qazaqstan Team» ۆەلوشاباندوزى اندرەي زەيتس جەڭىمپاز اتاندى.
حيتا قالاسىندا مارەسىنە جەتكەن جارىستىڭ سوڭعى كەزەڭىندە اندرەي زەيتس پەلوتوننان 8 سەكۋندقا ۇزاپ كەتىپ, كومبەگە ءبىرىنشى جەتتى. ءسويتىپ كۇنشىعىس ەلىندە ۇيىمداستىرىلعان تۇڭعىش ۆەلوتۋردىڭ العاشقى جەڭىمپازى اتاندى. سونداي-اق جالپى ەسەپتە «Astana Qazaqstan Team» ۆەلوكومانداسىنىڭ يتاليالىق وكىلى انتونيو نيبالي ەكىنشى ورىنعا يە بولدى.
7-9 قازان ارالىعىندا جاپونيادا جالاۋى جەلبىرەگەن جارىستا زەيتس پەن نيباليدەن بولەك, «استانا» ۆەلوكلۋبىنان يگور چجان, ەۆگەني گيديچ, نيكولاس ۆينوكۋروۆ جانە الەكساندر ۆينوكۋروۆتار ونەر كورسەتتى.