الماتىنىڭ الەۋمەتتىك نىساندارىنا جىلۋ بەرىلە باستادى

«الماتى جىلۋ جۇيەسى» جشس مالىمەتىنشە, بۇگىننەن باستاپ مەديتسينا, ءبىلىم بەرۋ ۇيىمدارى مەن وزگە دە الەۋمەتتىك نىساندارعا كەزەڭ-كەزەڭىمەن جىلۋ بەرىلەدى.

ءبىرىنشى كەزەكتە الەۋمەتتىك نىسانداردى جىلۋ جۇيەسىنە قوسۋ جوسپارلانعان. مۇنداي شەشىم وسى ۇيىمداردىڭ جۇمىس ەرەكشەلىگىن ەسكەرىپ قابىلدانعان. جاڭا جىلىتۋ ماۋسىمىنىڭ باستالۋى مەتەورولوگيالىق بولجامدار مەن الماتىداعى اۋا رايىنىڭ كۇندەلىكتى مونيتورينگى نەگىزىندە ايقىندالىپتى.

الماتى قالاسىندا جىلىتۋ ماۋسىمىنا دايىنداۋ جانە وتكىزۋ ەرەجەسىنە سايكەس, جىلىتۋ كەزەڭى تەمپەراتۋرالىق رەجيمدى ەسكەرىلە وتىرىپ باستالادى.

بۇل رەتتە تۇتىنۋشىلارعا جىلۋ بەرۋ مىناداي كەزەكپەن جۇرگىزىلەدى:

- بالالار, ەمدەۋ, مەكتەپ مەكەمەسى, كاسىپتىك مەكتەپتەر, مەديتسينالىق-الەۋمەتتىك مەكەمەلەر:

- تۇرعىن ۇيلەر, جاتاقحانالار, قوناق ۇيلەر;

- اكىمشىلىك عيماراتتار, وقۋ ورىندارى, تەاترلار;

- باسقا دا عيماراتتار.