استانا قالاسى ستاتيستيكا دەپارتامەنتىنىڭ دەرەگىنشە, ەڭبەككە قابىلەتتى جاستار سانى – 298 مىڭ, ونىڭ ىشىندە جۇمىس ىستەيتىندەر 286 مىڭ, جۇمىسسىز – 12 مىڭ. بۇل تۋرالى كوممۋنيكاتسيالار قىزمەتىندە وتكەن بريفينگتە جاستار ساياساتى ماسەلەلەرى باسقارماسىنىڭ باسشىسى قايرات قامباروۆ ءمالىم ەتتى, ونى ەلوردا اكىمدىگىنىڭ رەسمي سايتى حابارلادى, دەپ جازادى Egemen.kz.
ق.قامباروۆتىڭ ايتۋىنشا جاستاردىڭ جۇمىسسىزدىق دەڭگەيى بىلتىرعى وسى كەزەڭمەن سالىستىرعاندا 0,6% تومەندەگەن. جاستاردى جۇمىسپەن قامتۋ بويىنشا اكىمدىكپەن بىرنەشە باعدارلاما جۇزەگە اسىرىلىپ جاتىر: «جاستار پراكتيكاسى», «العاشقى جۇمىس ورنى», «ۇرپاقتار كەلىسىمشارتى» جانە ت.ب.
باسقارما باسشىسىنىڭ سوزىنشە جاستارعا ارنالعان بوس ورىندار جارمەڭكەلەرى ءار توقسان سايىن وتكىزىلىپ كەلەدى. كەلەسى جولى سونداي جارمەڭكە قازاننىڭ 24-ىنە جوسپارلانعان.
«جاز ايلارىندا «جاسىل ەل» جوباسى اياسىندا جۇمىس ىستەگەن 4200 جاستىڭ ىشىندە: كوپبالالى وتباسىلاردان شىققاندار – 2648, تولىق ەمەس وتباسىنان شىققان بالالار – 387, جەتىم بالالار – 69, وقۋ ورنىندا ەسەپتە تۇرعان – 11, وتباسىندا ءبىر مۇمكىندىگى شەكتەۋلىسى بار – 34 بالا», دەدى قايرات قامباروۆ.
ول ءوز سوزىندە جۇمىسپەن قامتۋ ماسەلەسىندە NEET ساناتىنداعى جاستاردى ەرەكشە اتاپ ءوتتى. ياعني NEET ساناتىنداعى جاستار دەگەنىمىز – وقۋ وقىمايتىن, جۇمىس ىستەمەيتىن ازاماتتار. ولاردىڭ ۇلەسى ءىى توقسان قورىتىندىسى بويىنشا 6,1% نەمەسە 25 مىڭ ادامدى قۇرايدى. ولاردى الەۋمەتتەندىرۋ ماقساتىندا «جاس جىگەر» جوباسى ۇيىمداستىرىلادى.