وسى جىلى «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىن ىسكە اسىرۋ اياسىندا قوستاناي وبلىسىنا 961 ادام قونىس اۋدارعان, ونىڭ ىشىندە ەڭبەك كۇشى ارتىق وڭىرلەردەن 680 قونىس اۋدارۋشى جانە 281 قانداس كوشىپ كەلگەن, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگى ءباسپاسوز قىزمەتىنىڭ مالىمەتىنشە وڭىرگە قونىس اۋدارعانداردىڭ بارلىعىنا مەملەكەتتىك قولداۋ شارالارى كورسەتىلگەن. ولارعا جالپى 841,6 ملن تەڭگە تولەندى, ونىڭ ىشىندە 222,6 ملن تەڭگە سوماسىنا كوشۋگە, 119,2 ملن تەڭگە سوماسىنا تۇرعىن ءۇيدى جالداۋعا (جالعا الۋعا) ماتەريالدىق كومەك, سونداي-اق 114 وتباسىنا 499,8 ملن تەڭگە سوماسىنا ەكونوميكالىق ۇتقىرلىق سەرتيفيكاتتارى بەرىلگەن.
ەڭبەككە قابىلەتتى 286 قونىس اۋدارۋشى مەن 105 قانداستىڭ 381-ءى جۇمىسقا ورنالاستىرىلعان, 10-ى كاسىپكەرلىك قىزمەتپەن اينالىسىپ جاتىر.
جالپى, وڭىردەگى قونىس اۋدارۋشىلار مەن قانداستار كەلەسى بوس جۇمىس ورىندارىنا جۇمىسقا ورنالاستىرىلعان: قازاق, اعىلشىن ءتىلى مۇعالىمى, مەديتسينا قىزمەتكەرى (دارىگەر, فەلدشەر, مەدبيكە), تاربيەشىنىڭ كومەكشىسى, قۇرىلىسشى, اسپاز, جۇرگىزۋشى, مەنەدجەر, ماشينيست, ماشينيست كومەكشىسى, ءارتىس, زەرتحاناشى, مەڭگەرۋشى, ءوندىرىس, جولسەرىك جانە ت. ب.
مىسالى 2020 جىلى وڭىرلىك قونىس اۋدارۋ كۆوتاسىنا قوسىلىپ, ششەرباكوۆ اۋىلىنا قونىستانعان شۋكۋر حۋدياروۆتىڭ وتباسى كوشىپ كەلگەننەن كەيىن بيزنەس باستاۋ ءۇشىن 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە 1 ملن 300 مىڭ تەڭگە كولەمىندە گرانت يەگەرى اتانعان. گرانتتى العاننان كەيىن فوتواپپارات, ءتۇرلى-ءتۇستى پرينتەر ساتىپ الىپ, تاپسىرىس الا باستاعان اتالعان وتباسى مەملەكەتتىڭ كورسەتكەن كومەگىنە ريزاشىلىعىن ءبىلدىردى.
ەستەرىڭىزگە سالا كەتەيىك, بيىل ۇلتتىق جوبا اياسىندا قازاقستاننىڭ ەڭبەك كۇشى تاپشى وڭىرلەرىنەن 7 498 ادام ءوز ەركىمەن قونىس اۋدارعان, ونىڭ ىشىندە 1 870 قانداس جانە 5 628 قونىس اۋدارۋشى كوشتى. بارلىق قونىس اۋدارۋشىلارعا مەملەكەتتىك قولداۋ شارالارى كورسەتىلگەن.