باتىس قازاقستان وبلىسى: ءتۇسىم نەگە تومەن؟

باتىس قازاقستان اۋىل شارۋا­شىلىعى باسقارماسى باسشىسىنىڭ ورىنباسارى دەنيس وماشەۆتىڭ ايتۋىنشا, ءداندى داقىل تۇگەلگە جۋىق جينالعان. ەگىننىڭ شىعىمدىلىعى وبلىس بويىنشا ورتا ەسەپپەن گەكتارىنا 10 تسەنتنەردەن كەلدى. ال ەجەل­دەن ديقانشىلىعى باسىم باي­تەرەك اۋدانىندا 11,7 تسەنتنەردەن جينالىپ­تى. وسىلايشا, وبلىس بيىل ءداندى داقىل­دان 300 مىڭ تونناعا جۋىق ءونىم الدى.

كەيىنگى جىلدارى ءوڭىر ديقاندارى مايلى داقىل وسىرۋگە دە ماماندانىپ العان ەدى. 112,15 گا القاپتاعى بۇل ءونىمنىڭ 80 پايىزى جينالعان, ونىڭ شىعىمى گەكتارىنا 6,4 تسەنتنەردەن اينالعان.

جايىق بويىن جايلاعان جۇرت 9,6 مىڭ گا جەرگە كارتوپ پەن باقشا داقىلدارىن ەككەن ەدى. ونىڭ دا 65 پايىزى جينالىپ قالدى.

بيىل 6,24 مىڭ گا القاپتىڭ ەگىنى مۇلدەم پايداسىز دەپ ەسەپتەن شىعارىلدى. ونىڭ 1,3 مىڭ گەكتارى قىستان شىعا الماعان كۇزدىك ەگىن بولسا, قالعان شىعىنعا وڭىردە تىم كوبەيىپ كەتكەن كيىكتىڭ دە ۇلەسى بار.

بيىل باتىس قازاقستاندا, اسىرەسە وڭتۇستىك اۋدانداردا ءشوپ شىعىمى ناشار. ونىڭ ۇستىنە جوعارىدا ايتىل­عان ورال وڭىرىندە كيىكتە­ر­دىڭ تىم كوبەيۋى شارۋالاردىڭ قىس­تىق مال ازىعىن جيناۋىنا كەدەرگى كەلتىرىپ تۇر. وبلىس بويىنشا 2 قا­زانعا دەيىن وڭىردە 4 156,0 مىڭ گا جەردىڭ ءشوبى شابىلىپ, ودان نەبارى 1 708,9 توننا ءونىم الىنىپتى. بۇل قاجەتتى جوسپاردىڭ 80 پايىزىن عانا قامتيدى. ءشوپتىڭ شىعىمدىلىعى بىلتىرعىمەن سالىستىرعاندا ەداۋىر تومەن. قازىر وڭىردە ءبىر باۋ ءشوپتىڭ باعاسى 3-8,5 مىڭ تەڭگە ارالىعىندا قۇبىلىپ تۇر. ەڭ قىمبات ءشوپ بوكەي ورداسى, جاڭاقالا اۋداندارىندا ونىڭ قۇنى 8000-8500 تەڭگەگە دەيىن كوتەرىلگەن ەكەن.