جەڭىلىستەن كوز اشپاي تۇر

سىرت ايدىنداعى ويىندار سەرياسىن وت­كىزىپ جاتقان جەرلەستەرىمىز بۇل جولى ماس­كەۋدە تسسكا كومانداسىنا جول بەردى. جەرگى­لىكتى «تسسكا ارەنا» سپورت كەشەنىندە وتكەن كەزدەسۋدە اسكەريلەر «بارىس» قاقپاسىنا جاۋاپسىز ءتورت شايبا سوقتى. ويىننىڭ 8-مينۋتىندا پاۆەل كورناۋحوۆ ويىننىڭ ەسەبىن اشسا, ەكىنشى كەزەڭدە ميحايل گريگورەنكو مەر­گەندىك تانىتتى. ال ءۇشىنشى 20 مينۋتتىق­تا «بارىستىڭ» ەكس-حوككەيشىسى داررەن ديتس تاب­لوداعى كورسەتكىشتى 3:0-گە جەتكىزسە, ­56-مي­نۋتتا كونستانتين وكۋلوۆ ويىننىڭ نۇك­تەسىن قويدى. وسىلايشا, ەلوردالىق كلۋب قار­سى­لاسىنا 4:0 ەسەبىمەن جەڭىلدى. بۇل – جەر­لەس­تەرىمىزدىڭ قاتارىنان ءتورتىنشى, ال قحل-دىڭ بيىلعى ماۋسىمىنداعى 11-جەڭىلىسى.

جەڭىلىستەن كوز اشپاعان «بارىس» تۇ­راق­تى بىرىنشىلىكتىڭ 14-تۋرىنان كەيىن شى­عىس كونفەرەنتسياسىنىڭ تۋرنير كەستەسىندە 10 ۇپاي­­­مەن 10-ورىندا تۇر. جەرلەستەرىمىز كەلەسى ويى­نىن بۇگىن ماسكەۋ وبلىسىنىڭ «ۆيتياز» كومانداسىمەن وتكىزەدى.