فۋتبولدان قازاقستان جاستار قۇراماسى قازان ايىندا ەۋرو-2025 ىرىكتەۋ ويىندارىنىڭ توپتىق كەزەڭىندە كەزەكتى ويىن وتكىزەدى.
اعا باپكەرى قايرات نۇرداۋلەتوۆ شاكىرتتەرى 17 قازان كۇنى 2025 جىلعى ەۋروپا چەمپيوناتىنا ىرىكتەۋ كەزەڭى اياسىندا يسپانيا جاستار قۇراماسىمەن وينايدى. كەزدەسۋ «استانا ارەنا» ستاديونىندا وتەدى دەپ جوسپارلانعان. ويىن استانا ۋاقىتىمەن 19.30-دا باستالادى. بيلەتتەر جۋىردا ticketon.kz سايتىندا ساتىلىمعا شىعادى. ەسكە سالا كەتەيىك, قازاقستان قۇراماسى يسپانيا, بەلگيا, شوتلانديا, ماجارستان جانە مالتا قۇرامالارىمەن بىرگە «ۆ» توبىنا ءتۇستى.
قىركۇيەك ايىندا جەرلەستەرىمىز ەكى ماتچ وتكىزىپ, ەكەۋىندە دە جەڭىلىپ قالدى. العاش سىرت الاڭدا بەلگيا جاستارىنان 1:0 ەسەبىمەن جول بەرسە, اراعا ءۇش كۇن سالىپ بۋداپەشتتە ماجارستاننان 2:1 ەسەبىمەن جەڭىلدى.