كاسىپقوي بوكس شارشى الاڭىندا جۇدىرىقتاسىپ جۇرگەن ەلىمىزدىڭ جاس تالانتتى بوكسشىلارى بەك نۇرماعانبەت (11-0, 9 كو) پەن ءابىلحان امانقۇل (4-0-1, 4 كو) الەمدىك رەيتينگتە جوعارىلادى.
بوكسشىلاردىڭ ستاتيستيكاسىن جۇرگىزەتىن ايگىلى Boxrec.com سايتىنىڭ مالىمەتى بويىنشا, ەكىنشى ورتا سالماقتا ونەر كورسەتەتىن 25 جاستاعى ب.نۇرماعانبەت ەڭ كەيىنگى جەكپە-جەگىنەن كەيىن الەمدىك رەيتينگتە التى ساتى جوعارىلاپ, 47-ورىننان 41-ورىنعا تۇراقتادى. ال ورتا سالماقتا جۇدىرىقتاساتىن 26 جاستاعى ءا.امانقۇل سەگىز ورىن جوعارىلاپ, 70-ساتىعا جايعاستى.
ايتا كەتەيىك, ەكى بوكسشىمىز كەيىنگى ايقاستارىن 1 قازان كۇنى اقش-تىڭ لاس-ۆەگاس قالاسىندا مەكسيكالىق ساۋل «كانەلو» الۆارەس پەن امەريكالىق دجەرمالل چارلو اراسىنداعى بوكس كەشەنىنىڭ اندەركاردىندا وتكىزگەن ەدى. بەك نۇرماعانبەت نيگەريالىق ابيمبولا وسۋندايرونى (5-1, 3كو) ءۇشىنشى راۋندتا نوكاۋتپەن جەڭسە, ءابىلحان امانقۇل امەريكالىق دجوشون دجەيمسپەن (7-0-2, 4كو) تورەشىلەردىڭ شەشىمىمەن تەڭ ءتۇستى.