فۋتزالدان قازاقستان ۇلتتىق قۇراماسى قازان ايىندا 2024 جىلعى الەم چەمپيوناتىنىڭ ەليتالى ىرىكتەۋ كەزەڭى اياسىندا ازەربايجان قۇراماسىمەن ەكى ماتچ وتكىزەدى.
ۇلتتىق قۇرامانىڭ باس باپكەرى ريكاردو كاكا بىرەر كۇن بۇرىن سول ويىندارعا شاقىرتۋ العان ويىنشىلاردىڭ ءتىزىمىن جاريالادى. جالپى تىزىمگە 16 ويىنشى ەندى. قاقپاشىلار: يگيتا, نارۋن سەرىكوۆ (ەكەۋى دە «قايرات»), قانات جەتكىرباەۆ («اقتوبە»); الاڭ ويىنشىلارى: دۋگلاس, ەدسون, ءبىرجان ورازوۆ, داۋرەن تۇرساعۇلوۆ, البەرت اقبالىقوۆ (بارلىعى – «قايرات»), شىڭعىس ەسەنامانوۆ, رايىمبەك جۇما, اقجول ءدارىباي (بارلىعى – «سەمەي»), ازات ۆاليۋللين, راسۋل ابدۋماناپ ۇلى (ەكەۋى دە – «ايات»), ارنولد كناۋب («جەتىسۋ»), ولجاس تايباساروۆ («استانا»), لەو («جوينۆيل», برازيليا).
6 قازاندا قازاقستان فۋتزال قۇراماسى ازەربايجانمەن باكۋدە ويناسا, 11 قازاندا ءدال وسى قۇرامانى استاناداعى جاقسىلىق ۇشكەمپىروۆ اتىنداعى جەكپە-جەك سارايىندا قابىلدايدى.