قازاقستاننىڭ ءبىرىنشى, الەمنىڭ 5-راكەتكاسى ەلەنا رىباكينا بەيجىڭدە ءوتىپ جاتقان تەننيستەن ايەلدەر اراسىنداعى WTA 1000 ءتۋرنيرىنىڭ ەكىنشى اينالىمىنا جولداما الدى.
جەرلەسىمىز اتالعان باسەكەنىڭ العاشقى كەزەڭىندە بيىلعى ازيا ويىندارىنىڭ جەڭىمپازى, الەمدىك رەيتينگتە 23-ورىندا تۇرعان قىتايلىق سينۆەن جەنمەن شەبەرلىك بايقاسىپ, قارسىلاسىن ەكى سەتتە ەش قيىندىقسىز قاپى قالدىردى. ءبىرىنشى پارتيادا رىباكينا ەكى برەيك جاساپ, 6:1 ەسەبىمەن جەڭىسكە جەتسە, ەكىنشى سەتتە دە سول قارقىنىن باسەڭدەتكەن جوق – 6:2.
وكىنىشكە قاراي, يۋليا پۋتينتسەۆا ەكىنشى كەزەڭدە الەمنىڭ 10-راكەتكاسى فرانتسيالىق كارولين گارسيادان جەڭىلىپ, جارىستى ەرتە اياقتادى. العاشقى سەتتە كارولين مىقتىلىق تانىتقانىمەن (6:3), ەكىنشى پارتيادا يۋليا ءدال سونداي ەسەپپەن قارىمتا قايتارعان-دى – 6:3. دەگەنمەن شەشۋشى سەتتە فرانتسيالىق تەننيسشى ءبىر برەيك جاساپ, باسەكە تاعدىرىن ءوز پايداسىنا شەشتى – 6:3.