مەملەكەت باسشىسى قاسىم-جومارت توقاەۆ «مەملەكەتتىك تەحنيكالىق قىزمەت» اكتسيونەرلىك قوعامىنا باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«مەكەمە قىزمەتىمەن تانىسۋ بارىسىندا مەملەكەت باسشىسىنا قازاقستان رەسپۋبليكاسىنىڭ اقپاراتتىق قاۋىپسىزدىگىن قامتاماسىز ەتۋ ءىسىنىڭ قازىرگى جاي-كۇيى جانە قابىلدانىپ جاتقان شارالار جونىندە مالىمەت بەرىلدى. پرەزيدەنتكە اقپاراتتىق قاۋىپسىزدىكتىڭ ۇلتتىق ۇيلەستىرۋ ورتالىعىنىڭ, تەلەكوممۋنيكاتسيا جەلىلەرىن باسقارۋ ورتالىعىنىڭ, سونداي-اق كومپيۋتەرلىك ينتسيدەنتتەرگە قارسى ۇلتتىق ارەكەت ەتۋ قىزمەتىنىڭ جانە زياندى كودتى زەرتتەۋ ورتالىعىنىڭ جۇمىس پروتسەسى مەن ناتيجەلەرى تانىستىرىلدى», دەلىنگەن حابارلامادى.
سونداي-اق اكتسيونەرلىك قوعام باسشىلىعى پرەزيدەنتكە بيىلعى جىلدىڭ 9 اي ىشىندە مەملەكەتتىك ورگانداردىڭ رەسۋرستارى مەن ەلىمىزدىڭ اسا ماڭىزدى نىساندارىنا جاسالعان 163,4 ميلليون كيبەرشابۋىلعا تويتارىس بەرىلگەنى جونىندە باياندادى.