بۇگىن پەتروپاۆلداعى قر ۇلتتىق ۇلانىنىڭ اكادەمياسىنا ەل تاريحىندا ەركىن كۇرەستەن العاشقى الەم چەمپيونى ريزابەك ايتمۇحان ارنايى باردى, دەپ جازادى Egemen.kz.
قر ۇلتتىق ۇلانى اكادەمياسىنىڭ ءباسپاسوز قىزمەتى ءمالىم ەتكەندەي, ايگىلى سپورتشىنى قالا اكىمدىگىنىڭ دەنە شىنىقتىرۋ جانە سپورت ءبولىمىنىڭ وكىلدەرى, اتا-انالارى, دوستارى الىپ ءجۇردى.
ول اكادەميانىڭ جەكە قۇرامىمەن كەزدەسۋ بارىسىندا سەربياداعى الەم چەمپيوناتى كەزىندەگى جەڭىس ءساتى تۋرالى اڭگىمەلەپ بەردى. سونداي-اق ەلىمىزگە ەركىن كۇرەستەن العاشقى التىن مەدال تارتۋ ەتكەن الەم چەمپيونى جوو-نىڭ تىنىس-تىرشىلىگىمەن تانىسىپ, قۇرمەتتى قوناقتار كىتابىنا ەستەلىك جازبا قالدىردى.
كەڭەس وداعىنىڭ باتىرى, گۆارديا پولكوۆنيگى باۋىرجان مومىش ۇلى اتىنداعى 5571 اسكەري بولىمىندە مەرزىمدى قىزمەت اتقارىپ جۇرگەن ريزابەك ايتمۇحان – قر ۇلتتىق ۇلانىنىڭ اسكەري قىزمەتشىسى ەكەنىن ايتا كەتكەن ءجون.