كوكسۋعا كوگىلدىر وتىن جەتتى

گاز جەلىسى ءۇي ىرگەسىنە جاقىن ورنا­لاس­قانمەن تۇرعىندارعا تۇك پايدا بول­مادى. بۇل ۇيدەگىلەردىڭ جەلىگە ءوز كۇشىمەن قوسىلۋعا دا مۇمكىندىگى تومەن ەدى. سەبەبى تۇر­عىنداردىڭ دەنى – الەۋمەتتىك از­قامتىلعان, كوپ بالالى وتباسىلار. ناتيجەسىندە, ىرگە­دە­گى يگى­لىككە قول جەتكىزە الماعان سوڭ اۋدانداعى اتقامىنەرلەرگە قان­شاما رەت ماسەلەسىن داۋلاپ بارىپ­تى. شەشىمدى جول تا­بىل­­ماعان سوڭ اۋدانعا ىسساپار­مەن كەلگەن وبلىس باسشىسىنا جان ايقايىن جەتكىز­گەن. ءوڭىر حال­قى­نىڭ الەۋمەتتىك ماسەلە­لە­رىنىڭ ءتۇيىنىن تارقاتۋدا ۇتىمدى شە­شىم قابىلدايتىن ايماق باسشىسى جەرگىلىكتى اتقامىنەرلەرگە قايى­­رىم­دى ازاماتتار تاۋىپ, گاز­داندىرۋ ماسەلەسىن شەشۋدى تاپ­سىرعان.

سودان جەرگىلىكتى اكىمدىك­تە­گىلەر «BSPCROUP LTD» جشس-مەن كەلىسىپ, ناتيجەسىندە, سەرىك­تەس­تىك ءوز قارجىسى ەسەبىنەن 50 پاتەرلىك كوپقاباتتى تۇرعىن ۇيگە گاز جەلىسىن تارتىپ بەرگەن. قايىرىمدىلىق ءۇشىن جۇمسالعان قارجى – 2,5 ملن تەڭگە. تۇرعىنداردى قۇت­تىقتاي كەل­گەن اۋدان اكىمى مارلەن كول­باەۆ ايتۋلى ماسەلەنى شەشۋگە اتسا­لىس­قان سەرىكتەستىك باسشى­لى­عى­نا العىسىن ءبىلدىردى.

«بۇل كوپقاباتتى تۇرعىن ءۇي­دىڭ گاز جەلىسىنە قوسىلىپ, كو­گىل­دىر وتىننىڭ يگىلىگىن كورۋىنە بىردەن-ءبىر سەبەپكەر – ايمان تويشىبەكوۆا اپامىز. وبلىس اكىمىنىڭ قابىلداۋىندا بولىپ, كوپتىڭ ماسەلەسىن شەشۋگە سەپتەسۋىن سۇراعان. وبلىس باسشىسى بىزگە تاپسىرما جۇك­تەپ, تۇيتكىلدى تارقاتۋدى تاپسىردى. ناتيجەسى – وسى. جالپى, كوكسۋ اۋدانىنىڭ تۇرعىندارى جايلى ءومىر ءسۇرۋى ءۇشىن بار جاعدايدى جاسايمىز. كەلەر جىلى بالپىق بي اۋىلىنىڭ تۇرعىندارى تولىقتاي جىلى سۋ جەلىسىنە قوسىلادى. بۇل باعىتتا جوبالىق-سمەتالىق قۇجات ازىرلەنۋدە. مەملەكەت باسشىسى «بارشاعا بىردەي مۇمكىندىك بەرۋ – رەفورمانىڭ باستى ماقساتى», دەگەن ەدى. پرەزيدەنت جۇكتەگەن مىندەتتەر ورىندالىپ, ءاربىر كوكسۋلىق قولايلى ورتادا ءومىر سۇرەتىن جاعدايعا قول جەتكىزەمىز», دەدى اۋدان اكىمى.

ساۋلە تانتىباەۆا كوپتەن كۇتكەن يگىلىككە قول جەتكىزگەنىنە بالاداي قۋانىپ ءجۇر. ايتۋىنشا, وسىنداي قايىرلى ازاماتتار كوپ بولسا, ەلدە جۇزەگە اسقان وڭتايلى ىستەر ارتادى ەكەن. «اۋدان باس­شى­لىعىنا, قايىرىمدى ازا­مات­­تارعا العاۋسىز العىس ءبىل­دىرۋ ازدىق ەتەدى. كوپتىڭ تىلەۋىن ورىن­­داعان جاندارعا باسىمدى يەمىن. جەرگىلىكتى اكىمدىكتەگىلەر الداعى ۋاقىتتا كوپقاباتتى تۇر­عىن ءۇيدىڭ اۋلاسىن اباتتاندىرامىز دەپ وتىر. قالايشا بالاداي قۋانباسقا», دەدى قۋانى­شىن جاسىرماعان تۇرعىن.

ال ايمان تويشىباەۆا بۇل تۇرعىن ۇيگە گاز قوسۋ اۋدان اكىم­دىگىنە مارلەن كولباەۆ جايعاس­قالى جاسالىپ جاتقان ءورىستى تىر­لىكتىڭ كىشكەنتاي پۇشپاعى ەكەنىن اتاپ ايتتى.

«م.كولباەۆ عيماراتقا قا­ما­لىپ وتىرۋدى جانى سۇي­مەي­­تىن, حالىق ورتاسىندا جۇ­رۋ­گە ما­شىقتانعان ادىلەتتى قازاق­ستان­­نىڭ اكىمى عوي. كوپتىڭ سوزىنە قۇلاق تۇرە بىلەدى. اۋدا­نى­­مىز­دى گۇلدەندىرگەنىمىز ءۇشىن العىس بىل­دى­رە­مىز», دەدى ا.تويشى­بە­كوۆا.

جالپى, كوكسۋ اۋدانىندا گاز­داندىرۋ جۇمىستارى – قار­­قىندى. جىل سوڭىنا دە­يىن اۋدان­دا كوگىلدىر وتىنعا قوسىلعان اۋىلداردىڭ قاتارى تو­لى­عادى. اۋداندىق تۇرعىن ءۇي-كوم­مۋنالدىق شارۋاشىلىعى, جولاۋشىلار كولىگى, اۆتوموبيل جولدارى جانە تۇرعىن ءۇي ينس­پەكتسياسى ءبولىمىنىڭ باسشىسى مادي كارىباەۆتىڭ ايتۋىنشا, جىل سوڭىنا دەيىن سەگىزىنشى اۋىل بولىپ مۇسابەك ەلدى مەكەنى كوگىلدىر وتىنعا قول جەتكىزبەك. سونى­مەن قاتار جۋىق ارادا اۋدان ورتالى­عىنداعى 2 جانە 5 قاباتتى 60 ءۇيدى گاز­داندىرۋعا جوبالىق-سمەتالىق قۇجاتتار ازىرلەنەدى.

جەتىسۋ وبلىسى