قازاقستان قور بيرجاسى (KASE) ۇسىنعان مالىمەتكە سايكەس, 15:30-داعى جاعداي بويىنشا دوللاردىڭ ورتاشا سارالانعان باعامى بىردەن 5,72 تەڭگەگە كوتەرىلىپ, 482,77 تەڭگە بولدى, دەپ حابارلايدى Egemen.kz.
قىتاي ءيۋانىنىڭ ورتاشا سارالانعان باعامى 65,94 تەڭگەگە دەيىن ءوستى (+0,88).
ۇلتتىق بانك ەۋرو باعامىن 505,27 تەڭگە, ءرۋبلدى 4,95 تەڭگە دەپ بەلگىلەدى.
اقشا ايىرباستاۋ ورىندارىندا دوللار 481-484 تەڭگە, ەۋرو 508,5-512,5 تەڭگە, رەسەي ءرۋبلى 4,87-5,07 تەڭگە ارالىعىندا ساۋدالانىپ جاتىر.
بۇدان بولەك, الەمدىك مۇناي باعاسى دا ءبىرشاما كوتەرىلدى.
ماسەلەن, ICE Futures ەلەكتروندىق ساۋداسىندا Brent ماركالى مۇنايدىڭ جەلتوقسان فيۋچەرستەرىنىڭ قۇنى 0,80%-عا ءوسىپ, باررەلىنە 93,17 دوللار بولدى.
ال NYMEX ەلەكتروندىق ساۋداسىندا WTI ماركالى مۇنايدىڭ قاراشاداعى فيۋچەرستەرى 1,15%-عا ءوسىپ, باررەلىنە 91,43 دوللار بولدى.