پرەزيدەنت اكىمشىلىگىنىڭ باسشىسى ولجاس بەكتەنوۆ مەملەكەت باسشىسىنىڭ قازاقستان حالقىنا جولداۋىن ىسكە اسىرۋ بارىسىنا ارنالعان كەڭەس وتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
باسقوسۋعا پرەزيدەنتتىڭ كومەكشىلەرى مەن كەڭەسشىلەرى, ۇكىمەت باسشىلىعى قاتىستى.
ۇلتتىق ەكونوميكا ءمينيسترى الىبەك قۋانتىروۆ مەملەكەت باسشىسىنىڭ جولداۋدا بەرگەن تاپسىرمالارىن ورىنداۋ ءۇشىن ۇكىمەت تاراپىنان اتقارىلىپ جاتقان جۇمىس تۋرالى بايانداما جاسادى.
پرەزيدەنت اكىمشىلىگى باسشىسىنىڭ ايتۋىنشا, جولداۋ ەل ەكونوميكاسىن قايتا قۇرۋعا جانە ەكونوميكالىق سەرپىلىس جاساۋعا باعىتتالعان جۇزدەن استام ناقتى تاپسىرمانى قامتيدى.
«ورتالىق جانە جەرگىلىكتى اتقارۋشى ورگاندار پرەزيدەنت تاپسىرمالارىن ورىنداۋ ءۇشىن بارىنشا جەدەل ءارى تولىققاندى شارالار قابىلداۋى قاجەت. ەلىمىزدىڭ ازاماتتارى مەن بيزنەس وكىلدەرى جۋىق ارادا جولداۋدىڭ ناقتى ناتيجەسىن سەزىنۋى كەرەك», دەپ اتاپ ءوتتى ولجاس بەكتەنوۆ.