فۋتبولدان ەل چەمپيوناتىنىڭ ويىندارى مارەسىنە تاياعان سايىن ءاربىر كەزدەسۋ شيەلەنىستى ءوتىپ جاتىر.
ماسەلەن, وتكەن تۋردا تۋرنير كەستەسىندە كوش باستاپ كەلە جاتقان شىمكەنتتىڭ «ورداباسى» كلۋبى ءوز الاڭىندا ەلوردانىڭ «استاناسىن» قابىلداپ, بىلتىرعى ەل بىرىنشىلىگىنىڭ جەڭىمپازىنا 2:1 ەسەبىمەن جول بەردى. وسىلايشا, قاتارىنان ەكى ويىندا ۇپاي جوعالتقان شىمكەنتتىكتەر وزدەرىن تۋرنير كەستەسىندە وكشەلەپ كەلە جاتقان «استانا» مەن «اقتوبە» كلۋبتارىنا ۇپاي ايىرماسىن قىسقارتۋعا مۇمكىندىك بەرىپ قويدى. ال بۇل تۋردا «اقتوبە» سىرت الاڭدا «قىزىلجارمەن» تەڭ وينادى – 1:1.
23-تۋردان كەيىن تۋرنير كەستەسىندە «ورداباسى» 49 ۇپايمەن ءبىرىنشى ورىندا تۇرسا, 46 ۇپاي بار «استانا» ەكىنشى ساتىعا جايعاسقان. ال ءۇشىنشى ساتىداعى «اقتوبەنىڭ» ەنشىسىندە 44 ۇپاي بار.