تەننيستەن جۇپتىق سىنداعى ەلىمىزدىڭ ءبىرىنشى راكەتكاسى اننا دانيلينا قىتايدىڭ نينبو قالاسىندا شىمىلدىعى تۇرىلگەن WTA 250 ساناتىنداعى ءتۋرنيردى ءساتتى باستادى.
رەسەيلىك تەننيسشى الەكساندرا پانوۆامەن جۇپ قۇراپ ونەر كورسەتكەن وتانداسىمىز العاشقى اينالىمدا نيدەرلاندتىق ارياننە حارتونو مەن اۋستراليالىق وليۆيا تياندرامۋليانى جارىس جولىنان تايدىردى. وسى دودانىڭ 2-راكەتكاسى بولىپ تىركەلگەن قازاقستاندىق-رەسەيلىك جۇپ ەكى سەتكە جالعاسقان ماتچتا قارسىلاستارىنان 6:4, 7:5 ەسەبىمەن باسىم ءتۇستى. ا.دانيلينا مەن ا.پانوۆا شيرەك فينالدا قىتاي قىزدارى – حانيۋ گۋو جانە تسزيان سينيۋمەن شەبەرلىك بايقاسادى.
وكىنىشكە قاراي, ءدال وسى ءتۋرنيردىڭ جەكەلەي سىنىندا ونەر كورسەتكەن ايەلدەر اراسىندا ەلىمىزدىڭ ەكىنشى راكەتكاسى, الەمدىك رەيتينگتە 73-ورىندا تۇرعان يۋليا پۋتينتسەۆا ەكىنشى اينالىمنان ارىگە اسا المادى. ول العاشقى كەزەڭدە دۇنيەجۇزىلىك رەيتينگتە 248-ورىندا تۇرعان اۋستراليالىق داريا ءساۆيللدى ەكى سەتتە 6:1, 6:4 ەسەبىمەن جەڭگەنىمەن, ەكىنشى اينالىمدا جاراقاتىنا بايلانىستى جارىستى ەرتە اياقتاۋعا ءماجبۇر بولدى.