ۇكىمەت قاۋلىسىمەن عابيدوللا ابدۋللا ۇلى وسپانقۇلوۆ قازاقستان رەسپۋبليكاسى ۇكىمەت اپپاراتى باسشىسىنىڭ ءبىرىنشى ورىنباسارى بولىپ تاعايىندالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
عابيدوللا وسپانقۇلوۆ 1981 جىلعى وڭتۇستىك قازاقستان وبلىسىندا دۇنيەگە كەلگەن.
قازاق گۋمانيتارلىق-زاڭ ۋنيۆەرسيتەتىن, قازاقستان-رەسەي ۋنيۆەرسيتەتىن, بيرمينگەم ۋنيۆەرسيتەتىن («بولاشاق» باعدارلاماسىنىڭ تۇلەگى) بىتىرگەن.
ەڭبەك جولىن 1999 جىلى استانا قالاسىندا «ەۆرازيا كونسالتينگ» جشس-دە زاڭگەر كومەكشىسى بولىپ باستاعان.
2002-2006 جىلدارى پارلامەنت سەناتى دەپۋتاتىنىڭ كومەكشىسى بولدى.
2006-2009 جىلدارى – پارلامەنت سەناتى بولىمدەرىندە باس ساراپشىنىڭ مىندەتىن اتقارۋشى, باس كونسۋلتانتتىڭ مىندەتىن اتقارۋشى, باس كونسۋلتانت.
2009-2010 جىلدارى – پرەزيدەنتتىڭ پارلامەنتتەگى وكىلدىگى سەكتورىنىڭ مەڭگەرۋشىسى.
2010-2011 جىلدارى – پاۆلودار وبلىسى ەكىباستۇز قالاسى اكىمىنىڭ ورىنباسارى.
2011-2012 جىلدارى – پاۆلودار وبلىسىنىڭ ءبىلىم بەرۋ سالاسىنداعى باقىلاۋ دەپارتامەنتىنىڭ ديرەكتورى.
2012-2013 جىلدارى ءبىلىم جانە عىلىم مينيسترلىگىندە زاڭ, اكىمشىلىك دەپارتامەنتتەرىنىڭ ديرەكتورى بولىپ جۇمىس ىستەدى.
2013-2017 جىلدارى – قر بعم جاستار ءىسى جونىندەگى كوميتەتتىڭ توراعاسى, كەيىن قايتا ۇيىمداستىرۋ اياسىندا ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتىنىڭ ديرەكتورى.
2017-2019 جىلدارى باتىس قازاقستان وبلىسى اكىمىنىڭ ورىنباسارى قىزمەتىن اتقاردى.
2019 جىلى – «Nur Otan» پارتياسىنىڭ حاتشىسى.
2019-2020 جىلدارى – اقپارات جانە قوعامدىق دامۋ ءمينيسترىنىڭ ورىنباسارى.
2021-2022 جىلدارى – پرەزيدەنت اكىمشىلىگىندە مەملەكەتتىك ينسپەكتور.
2022 جىلى – پرەزيدەنت اكىمشىلىگى مەملەكەتتىك باقىلاۋ جانە اۋماقتىق ۇيىمداستىرۋ جۇمىسى ءبولىمى مەڭگەرۋشىسىنىڭ ورىنباسارى.
2022-2023 جىلدارى – پرەزيدەنت اكىمشىلىگى مەملەكەتتىك باقىلاۋ جانە اۋماقتىق ۇيىمداستىرۋ جۇمىسى ءبولىمىنىڭ مەڭگەرۋشىسى.
ەسكە سالا كەتەيىك, بۇعان دەيىن وسى قىزمەتتە بولعان عابيت ءابدىماجيت ۇلى سىزدىقبەكوۆ مەملەكەت باسشىسىنىڭ جارلىعىمەن شىمكەنت قالاسىنىڭ اكىمى بولىپ تاعايىندالعان بولاتىن.