شاحمات فەدەراتسياسى ۇيىمداستىرىپ جاتقان «شاحمات كەرۋەنى» جوباسى پاۆلودار قالاسىنا جەتتى.
10 قىركۇيەكتە ءوز باستاۋىن العان اۋقىمدى جوبا كوكشەتاۋ, پەتروپاۆل, قوستاناي جانە قاراعاندى قالالارىن ارتقا تاستاپ, پاۆلودار قالاسىنا تابان تىرەدى. 10 قاراشاعا دەيىن ەلىمىزدىڭ بارلىق وبلىسىن ارالاپ شىعاتىن جوبانىڭ ماقساتى – وڭىرلەردە شاحمات قوزعالىسىن ناسيحاتتاۋ.
«شاحمات كەرۋەنى» جوباسى اياسىندا قازاقستان شاحمات فەدەراتسياسىنىڭ پاۆلودار وبلىستىق فيليالى اشىلىپ, ونىڭ توراعاسى بولىپ كاسىپكەر ارتۋر شپەيزەر تاعايىندالدى. سونداي-اق «Ertis Promenade» الاڭىندا تىگىلگەن ءموبيلدى كيىز ۇيدە جەرگىلىكتى سپورتشىلار اراسىندا شاحمات ءتۋرنيرى ۇيىمداستىرىلدى. ناتيجەسىندە, جارىس جەڭىمپازى اتانعان 33 جاستاعى باقىت جانعابىلوۆ 10 قاراشادا تۇركىستاندا وتەتىن جوبانىڭ گراند-فينالىنا جولداما الدى.