جاستار الاڭىنداعى ىقپالداستىق

حالىقارالىق جاستار سايا­سي لاگەرىنىڭ جۇمىسىنا ءما­جىلىس سپيكەرى, «Amanat» پار­­تياسىنىڭ توراعاسى ەرلان قوشانوۆ قاتىسىپ, جاستاردى قۇتتىقتادى. قۇتتىق­تاۋ سوزىندە ەرلان قوشانوۆ شىۇ-عا مۇشە جانە بايقاۋشى مەملەكەتتەردىڭ الدىندا تۇرعان مىندەتتەردى ىسكە اسىرۋداعى جاستاردىڭ رولىنە توقتالدى.

«قازىرگى زاماندا بارلىق ەلدىڭ تەڭ قۇقىقتىق نەگىزدەگى ءوزارا ءىس-قيمىلى ءۇشىن جاعداي جاساۋ اسا ماڭىزدى. سوندىقتان پرەزيدەنت قاسىم-جومارت توقاەۆ قازاق­ستاننىڭ شىۇ-عا توراعالىعى بارىسىندا «ادىلەتتى الەم مەن كەلىسىمدى جاقتايتىن دۇنيەجۇزىلىك بىرلىك تۋرالى» باستاما ۇسىنۋعا نيەتتى ەكەنىن مالىمدەدى. ول شىۇ مەن ونىڭ كەڭىستىگىنىڭ ودان ءارى دامۋ باعدارىن اي­قىن­دايدى. بۇل جۇمىسقا شىۇ-عا كىرەتىن بارلىق ەل جاس­­تارى­نىڭ بەلسەندى ارالاسۋى ما­ڭىزدى», دەدى ول.

ساياسي لاگەرگە ەلىمىزدىڭ بارلىق وڭىرى­نەن كەلگەن 300-دەن استام دەلەگات, سون­داي-اق بەلارۋس, قىتاي, قىرعىزستان, تاجىكستان, رەسەي جانە وزبەك­ستاننان كەلگەن قوناقتار 4 كۇن بويى «Bir Tolqynda» ديالوگ الاڭ­دارىنىڭ, تاقىرىپتىق پانەلدىك سەسسيالار مەن وقىتۋ سەمينارلارىنىڭ جۇمىسىنا قاتىستى.

بيىلعى شىلدە ايىندا پرە­زيدەنت قاسىم-جومارت توقاەۆ شىۇ-عا مۇشە مەملەكەتتەر باسشىلارى كەڭەسىنىڭ وتىرىسىندا سويلەگەن سوزىندە, ء«ۇش ز ۇلىم كۇشكە»: ترانسۇلتتىق ۇيىم­داسقان قىل­مىس­قا, زاڭسىز ەسىرتكى اينالىمىنا جانە كيبەر­قىلمىسقا قارسى كۇرەسكە باسا ءمان بەرى­لەتىنىن ايتقان بولاتىن. سونداي-اق مەم­لەكەت باسشىسى تسيفرلىق تەحنو­لوگيا­لاردى دامىتۋدىڭ وزەكتىلىگىنە جانە ەكو­لوگيا سالاسىنداعى ءوزارا ءىس-قيمىل­دى نىعايتۋعا نا­زار اۋدارعان ەدى. وسى ماق­سات­تى جۇ­زەگە اسىرۋدىڭ ءبىر تەتىگى رە­تىن­دە حالىقارالىق جاستار ساياس­ي لا­گەرىنىڭ جۇمىسىن ايتۋعا بولادى.

«ەڭ الدىمەن, پرەزيدەنت بەلگىلەگەن كۇن تارتىبىنە سۇيەنە وتىرىپ, ءبىز باسقا ەلدەردىڭ جاس­تار بەلسەندىلەرىمەن كوم­مۋ­­ني­كاتسيالىق بايلانىستى نى­عايتامىز. جاس­تاردىڭ الەۋەتىن ءتيىمدى پايدالانۋ جانە ولاردىڭ كۇش-قۋاتىن قازىرگى جاع­دايدى جاق­­سارتۋعا جانە سەنىمدى بولا­­­شاقتى قالىپتاستىرۋعا باعىت­­تاۋ ماڭىز­دى», دەدى ءوز سوزىن­دە «جاس­تار رۋحى» ۇيىمى توراعا­سى­نىڭ ورىنباسارى اقەركە ەسكەندىروۆا.

ال شىمكەنتتەن كەلگەن دەلەگات باقىتجان تۇرىسبەك مۇنداي دەڭگەيدەگى ءىس-شاراعا العاش رەت قاتىسىپ وتىر ەكەن. «جاستار رۋحى» ۇيىمى­نىڭ بار­لىق مۇشەسى ەلىمىزدىڭ جانە شىۇ-نىڭ ەڭ بەلسەندى جاس­تارىنىڭ باسىن قوسقان بۇل ءىس-شارانى اسىعا كۇتتى. ءتۇرلى سالا­دا جۇرگەن جاستار جينالاتىن ورتادا ءوزارا تاجىريبە الماسىپ, ايماقتاعى جانە وزگە ەلدەردەن كەلگەن جاس­تارمەن دوستى­عى­مىزدى نىعايتا تۇسەمىز. بۇدان بولەك, لاگەردىڭ كۇن ءتارتىبى اياسىندا وتەتىن سەمينارلاردى دا اتاپ وتكەن ءجون. ماسەلەن, ەسىرتكىمەن كۇرەس تاقى­رىبى اياسىندا ترەنينگ جوعارى دەڭگەيدە ءوتتى», دەيدى دەلەگات باقىتجان تۇرىسبەك.

جالپى, ءىس-شارا بارىسىن­دا قىتاي حالىق رەسپۋب­ليكا­سىنداعى شىۇ جاستار كەڭەسىنىڭ ۇلتتىق ءبولىمىنىڭ مۇشەسى يان تسزينۆەي, قىرعىز رەس­پۋبليكاسى مادەنيەت, اق­پارات, سپورت جانە جاستار ساياساتى ءمينيسترىنىڭ ورىن­­باسارى مارات تاعاەۆ, وزبەك­ستان رەسپۋبليكاسى ولي ءماجى­لىسىنىڭ زاڭ شىعارۋ پالاتاسى جانىنداعى جاستار پار­لامەنتىنىڭ مۇشەسى گۋزال ابدۋل­لاەۆا, شىۇ جاستار كەڭەسىنىڭ ءۇندى ۇلتتىق ءبولىمىنىڭ مۇشەسى, حالىق­ارالىق ستۋدەنتتەر وداعى­نىڭ پرەزيدەنتى شوۋكات حاشيم, شىۇ جاستار كەڭەسىنىڭ رەسەي ۇلتتىق ءبولىمىنىڭ باسشىسى الەكسەي كارپەنكو, تاجىكستان رەس­پۋب­ليكاسى جاستار وداعى اپپا­راتىنىڭ باسشىسى فاري­دۋن حۋسەنزودا, بەلارۋس رەس­پۋب­لي­كالىق جاستار وداعى ورتالىق كوميتەتىنىڭ ءبىرىنشى حاتشىسى الەكساندر لۋكيانوۆ ءسوز سويلەدى.