ماڭداي تەردىڭ وتەۋى

«ەلىمىزدە ەڭبەكقور ادام, كاسىبي مامان ەڭ سىيلى ادام بولۋعا ءتيىس. وسىنداي ازاماتتار مەملەكەتىمىزدى دامىتادى. ءبىز قاراپايىم ەڭبەك ادامىنا قۇرمەت كورسەتۋىمىز كەرەك», دەگەن بولاتىن پرەزيدەنت قاسىم-جومارت توقاەۆ قازاقستان حال­قىنا ارناعان جولداۋىندا. زاماندار توعىسىپ, اقپاراتتىق الاڭ كەڭەيگەن تۇستا قوعامدىق سانادا, وسكەلەڭ ۇرپاق بويىندا ەڭبەك كۋلتىن ورنىقتىرۋ ماڭىزدى. بۇگىنگى ءىس-شارا وسى ماقساتتا ۇيىمداستىرىلىپ وتىر», دەگەن اكىم ورىنباسارى جاس­تاردى جۇمىسپەن قامتۋ, قول­داۋ ءۇشىن وبلىستا قولعا الىنعان ءىس-شارالار تىزبەگىن اتاپ ءوتتى.

«جاستاردىڭ بويىندا ەڭ­­بەك داعدىلارىن قا­لىپ­تاس­­تىرۋ, تا­جىريبە جيناق­تا­ۋى­نا مۇمكىندىك جاساۋ ماقسا­تىن­دا «العاشقى جۇ­مىس ور­نى», «جاستار تاجىريبەسى», «ۇرپاقتار كەلىسىمشارتى» جو­بالارى جۇزەگە اسىرىلادى. بۇگىنگى تاڭدا ءوڭىردىڭ 331 جاس ازاماتى  2,5 پايىزدىق مول­شەرلەمەمەن شاعىن نەسيە الدى. جىل سوڭىنا دەيىن بۇل كورسەتكىش 375-كە جە­تەدى دەپ جوسپارلانعان», دەدى اكىمنىڭ ورىنباسارى.

سونداي-اق ول سالتاناتتى ءىس-شارادا رەسپۋبليكالىق «ەڭ­بەك جولى» كونكۋرسىنىڭ وڭىر­­­لىك جەڭىمپازدارىن ما­را­­پات­تادى. «ۇزدىك ەڭبەك اۋلە­­تى» اتالىمى بويىنشا قو­ناەۆ قالاسىنا قاراستى ار­نا اۋى­لىنداعى №11 ورتا مەك­تەپ­تىڭ مۇعالىمى انتونينا مىق­تى­باەۆاعا وبلىس اكىمىنىڭ ماراپاتى مەن سەرتيفيكاتىن تابىس ەتتى.

«فيليپ مورريس قازاق­ستان» جشس-نىڭ وقىتۋ ءون­دىرىسى جانە ينجەنەرلەر تو­بىنىڭ جەتەكشىسى ايجان ءجۇنى­سوۆا ء«وندىرىستىڭ ۇزدىك جاس مامانى» اتالىمىن جە­ڭ­ىپ السا, «مويناق گەس» اق-نىڭ كەزەك باستىعىنان ور­تالىق باسقارۋ پۋنكتىندە ستان­سا باستىعىنا دەيىن وس­كەن دۋمان ساليماحۋنوۆ «جۇ­مىس ىستەيتىن جاستاردىڭ ۇزدىك تا­لىم­گەرى» اتالىمىنىڭ جەڭىم­پازى اتاندى.

جاستىق جىگەر, ءبىلىم-بىلىگى­مەن دارالانىپ, ءوز سالاسىنىڭ ۇ­زدىك­تەرى اتانعان بىرقاتار جاس مامان­ دا باعالى سىيلىق­تارعا يە بولدى. بۇل كۇنى ەسە­لى ەڭبەك يەلە­رىنە ەسترادا جۇل­دىزدارى ءان-شاشۋ تارتۋ ەتىپ, تاماشا كوڭىل-كۇي سى­يلادى.

الماتى وبلىسى