ايەلدەر اراسىنداعى قازاقستاننىڭ ەكىنشى, الەمنىڭ 81-راكەتكاسى يۋليا پۋتينتسەۆا قىتايدىڭ گۋانچجوۋ قالاسىندا WTA 250 ءتۋرنيرىنىڭ فينالىنا شىعا المادى.
باس جۇلدە ءۇشىن وتەتىن ويىنعا جولداما بەرەتىن باسەكەدە جەرلەسىمىز وسى جارىستىڭ 1-راكەتكاسى رەتىندە تىركەلگەن الەمدىك رەيتينگتە 27-ورىندا تۇرعان پولشا وكىلى ماگدا لينەتتپەن شەبەرلىك بايقاستى. نەبارى 1 ساعات 16 مينۋتقا سوزىلعان ماتچتا پولشالىق تەننيسشى جەرلەسىمىزدى ەكى سەتتە 6:2, 6:3 ەسەبىمەن قاپى قالدىردى. باسەكە بارىسىندا ماگدا لينەتت 3 ەيس جاساپ, 6 برەيك-پوينتتىڭ تەڭ جارتىسىن پايدالانا بىلسە, پۋتينتسەۆا ءۇش برەيك-پوينتتىڭ بارلىعىن ءمۇلت جىبەردى.
ەكى تەننيسشى بيىل ءساۋىر ايىندا ەلوردادا وتكەن بيللي دجين كينگ ءتۋرنيرىنىڭ ىرىكتەۋ كەزەڭىندە كەزدەسىپ, يۋليا ەكى سەتتە 7:5, 6:3 ەسەبىمەن باسىم تۇسكەن ەدى.