قاراعاندى وبلىسىندا جەرگىلىكتى تۇرعىندى تەلەفون ارقىلى الداپ, قوماقتى قاراجاتىن جىمقىرعان شەتەلدىك ازامات الماتىدا ۇستالدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
قاراعاندى وبلىسىنىڭ پوليتسەيلەرى قازاقستان ازاماتتارىنىڭ 15 ميلليون تەڭگەسىن جىمقىرعان رەسەي ازاماتىن الماتى قالاسىنان ۇستادى.
وبلىستىق پوليتسيا دەپارتامەنتىنە 51 جاستاعى قاراعاندى قالاسىنىڭ تۇرعىنى ارىزبەن شاعىمداندى. بەلگىلى بولعانداي, جابىرلەنۋشىگە بەلگىسىز بىرەۋ بانكتىڭ قاۋىپسىزدىك قىزمەتىنەن قوڭىراۋ شالىپ تۇرمىز دەپ الداعان. كەيىن بەلگىسىز ازامات جابىرلەنۋشىگە ونىڭ اتىنان بىرەۋلەر نەسيە راسىمدەپ جاتقانىن ايتىپ, ەسەپ-شوتىن بۇعاتتاۋ قاجەتتىگىن العا تارتقان. وسى اڭگىمەنىڭ سوڭىندا جابىرلەنۋشى الاياقتارعا 5,2 ملن تەڭگەدەن استام قاراجات جىبەرگەن.
الاياقتىڭ ۇستىنەن اتالعان دەرەك بويىنشا قر قك-ءنىڭ 190-بابىنا سايكەس قىلمىستىق ءىس قوزعالدى.