پرەزيدەنت قاسىم-جومارت توقاەۆ جاقىنداعى حالىققا جولداۋىندا اۋىل شارۋاشىلىعى تەحنيكاسىن جاڭارتۋ قارقىنىن ارتتىرۋدى تاپسىرعان ەدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
بۇگىن ۇكىمەت وتىرىسىندا اۋىل شارۋاشىلىعى تەحنيكاسىنىڭ ليزينگىنە «جاسىل دامۋ» اق قاراجاتىنان 20 ملرد تەڭگە بولىنەتىنى ايتىلدى.
بولىنگەن قاراجاتقا فەرمەرلەر ليزينگكە 500-دەن استام تەحنيكا, شامامەن 80 كومباين جانە 450 تراكتور ساتىپ الا الادى.
ايتا كەتۋ كەرەك, ليزينگكە تەحنيكالىق رەگلامەنتتەردە بەلگىلەنگەن ەكولوگيالىق تالاپتارعا ساي كەلەتىن جانە بارلىق قاجەتتى سايكەستىك سەرتيفيكاتى بار تەحنيكا بەرىلەدى.
اۋىل شارۋاشىلىعى مينيسترلىگىنىڭ دەرەكتەرى بويىنشا جالپى اۋىل شارۋاشىلىعى تەحنيكاسىنىڭ جەڭىلدەتىلگەن ليزينگىنىڭ جىل سايىنعى كولەمى 170 ملرد تەڭگەدەن اسادى.