مادەنيەت جانە اقپارات ءمينيسترى ايدا بالاەۆا قىتاي حالىق رەسپۋبليكاسى ۇلتتار ىستەرى جونىندەگى مەملەكەتتىك كوميتەتىنىڭ توراعاسى پان يۋەمەن كەزدەستى.
كەزدەسۋ بارىسىندا ەكىجاقتى ىنتىماقتاستىق ماسەلەلەرى, سونداي-اق, مادەنيەت جانە اقپارات مينيسترلىگىنىڭ سالالىق باعىنىستى ۇيىمدارى مەن قحر ۇلتتار ىستەرى جونىندەگى مەملەكەتتىك كوميتەتى اراسىندا ىسكەرلىك بايلانىستار ورناتۋ كەلەشەگى تالقىلاندى.
ايدا بالاەۆا قىتايلىق ارىپتەسىنىڭ قازاقستانعا العاشقى جۇمىس ساپارىمەن كەلگەنىنە قوشەمەت ءبىلدىرىپ, قىتايدىڭ الداعى باستى مەرەكەسى – قىتاي حالىق رەسپۋبليكاسىنىڭ قۇرىلۋ كۇنىمەن قۇتتىقتادى. سونداي-اق ەكى مەملەكەت باسشىلارى اراسىندا قولجەتكىزىلگەن ءوزارا سەنىم مەن ستراتەگيالىق ارىپتەستىكتىڭ جوعارى دەڭگەيىن اتاپ ءوتتى.
مادەنيەت جانە اقپارات ءمينيسترى ەكىجاقتى ىنتىماقتاستىقتى نىعايتۋدىڭ ماڭىزدىلىعىن اتاپ ءوتىپ, ارىپتەستىكتىڭ نەگىزگى باعىتتارى بويىنشا بىرقاتار ۇسىنىس ايتتى.
پان يۋە مىرزا ارىپتەسىنە شاقىرتۋ ءۇشىن العىس ءبىلدىرىپ, قازاق-قىتاي قارىم-قاتىناستارىنىڭ دەڭگەيىن جوعارى باعالادى جانە بۇل ساپار ىنتىماقتاستىقتى ودان ءارى نىعايتۋعا جاڭا سەرپىن بەرەتىنىنە سەنىم ءبىلدىردى.
سونىمەن قاتار پان يۋە مىرزا مينيستر ايدا بالاەۆانىڭ جاڭا لاۋازىمىنا تابىس تىلەپ, ونى ءوزارا ارىپتەستىك اياسىندا قحر-عا جۇمىس ساپارمەن كەلۋگە شاقىردى.
تاراپتار ەتنوسارالىق قاتىناستاردى رەتتەۋ سالاسىنداعى ىنتىماقتاستىقتى ارتتىرۋ پەرسپەكتيۆالارىن تالقىلاي وتىرىپ, ەكىجاقتى بايلانىستاردى دامىتۋعا نازار اۋداردى, سونداي-اق مادەنيەت جانە اقپارات مينيسترلىگى مەن قحر ۇلتتار ىستەرى جونىندەگى مەملەكەتتىك كوميتەتى اراسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويدى.