باتىس قازاقستان وبلىسىندا جول اپاتىنان التى ادام كوز جۇمدى, ونىڭ تورتەۋى كامەلەت جاسقا تولماعان بالا, دەپ حابارلايدى Egemen.kz.
قايعىلى وقيعا 17 قىركۇيەك كۇنى ساعات 19:30 شاماسىندا بقو, تەرەكتى اۋدانى, بەكەي كەنتىنىڭ جانىندا سامارا - شىمكەنت رەسپۋبليكالىق ماڭىزى بار اۆتوجولىنىڭ 290-شاقىرىمىندا بولعان. اۋىر جۇك كولىگى DAF فۋراسىمەن Lada Priora جەڭىل كولىگى سوقتىعىسقان.
«جول كولىك وقيعاسى سالدارىنان 6 ادام قازا تاپتى. ولار: 34 جانە 33 جاستاعى ەرەسەك ادامدار, 11, 12, 5, 1 جاستاعى كامەلەتكە تولماعان بالالار. جۇك كولىگىنىڭ 37 جاستاعى جۇرگىزۋشىسى زارداپ شەكتى. وقيعانىڭ تولىق ءمان-جايىن انىقتاۋ ماقساتىندا وقيعا ورنىندا پوليتسيا قىزمەتكەرلەرى جۇمىس ىستەپ جاتىر», دەپ حابارلادى پاترۋلدىك پوليتسيا باتالونى كومانديرىنىڭ ورىنباسارى شىڭعىس ءبىرمانوۆ.
سونداي-اق پوليتسيا قىزمەتكەرى جول جۇرگەن كەزدە بارلىق ەرەجەلەردى ساقتاپ, جىلدامدىقتى اسىرماۋدى سۇرادى.