ەڭبەك ادامدى وسىرەدى, ومىرگە قۇلشىنىسىن ارتتىرىپ, قاناتتاندىرادى. ەرتەڭگى كۇنگە دەگەن سەنىمىن نىعايتىپ, ءۇمىتىن ۇكىلەي تۇسەدى. ءتورت مۇشەسى تۇگەل بولا تۇرا ەڭبەككە ق ۇلىقسىز جانداردىڭ قاسىندا ءوزىن الدەقايدا باقىتتى, تابىستى, ىرىستى سەزىنىپ, ەڭبەك ەتۋ ارقىلى كوپتىڭ قۇرمەتىنە بولەنىپ جۇرگەن ىسمەر گ ۇلىم نۇرباتىروۆا وسىلاي وي تۇيەدى. شەبەرلىگى شىڭدالعان تىگىنشىنىڭ ەسىمى بۇگىندە جۇرتشىلىققا جاقسى تانىس.
ون جىلدان اسا ۋاقىت بۇرىن جازيرالى جاركەنتتەن كەرەگە تاۋلى كەگەنگە كەلىن بولىپ, بوساعا اتتاعان گ ۇلىمنىڭ باسىنا اق جاۋلىعىن سالىپ, باتاسىن بەرگەن ەنەسى زياش اپا بالالارىنىڭ باقىتتى بولۋىنا قولدان كەلگەن جاقسىلىعىن, قامقورلىعىن اياماي, دەمەۋ بولۋدى ءوز مىندەتىنە العان. العاشقى كۇننەن باستاپ ەڭبەككە ەپتىلىگىن اڭعارتىپ, ءۇي شارۋاسىن تاپ-تۇيناقتاي ەتىپ, قۇتتى ورنىنا تاستاي باتىپ, سۋداي سىڭگەن گ ۇلىم ەستۋ قابىلەتىنەن ايىرىلعانى بولماسا, ەش كەمىستىگىن كورسەتپەي, ەل قاتارلى ەڭبەك ەتۋدە الدىنا جان سالمايتىنىن اڭعارتادى. مۇنىمەن عانا شەكتەلمەي, ون ساۋساعىنان ونەر تامعان ىسمەر ەكەنىن بايقاتادى.
«ساۋساق بىرىكپەي, ينە ىلىكپەيدى» دەگەن ءتامسىلدى جادىنا توقىعان گ ۇلىم ءوزىنىڭ جانىنا جاقىن جۇمىسپەن جاستايىنان اينالىسۋعا ۇمتىلادى. اتا-اناسى قىزدارىنىڭ قابىلەت-قارىمىنا قاراي وقىپ-توقۋىنا ىقپال ەتىپ, قامقور بولعان ەكەن. ءسويتىپ, تالدىقورعانداعى مۇمكىندىگى شەكتەۋلى جاندارعا ارنالعان مەكتەپتە, ودان كەيىن الماتى قالاسىنداعى ارناۋلى وقۋ ورىندارىن اياقتاپ, قولىنا ارنايى تىگىنشى دەگەن سەرتيفيكاتىن الادى. بۇل شەبەرقول جاننىڭ ومىردەن ءوز ورنىن تاۋىپ, حالىققا پايداسىن تيگىزۋىنە جول اشادى.
« ۇلىم مەدەتپەن باس قۇراپ, وشاعىمنىڭ وتىن جاققان كەلىنىمنىڭ مىنەزى جايلى, جايدارى. اتا-اناسىنىڭ ءتالىم-تاربيەسى عوي, وتە ەڭبەكقور. جۇمىسقا دەگەن جاۋاپكەرشىلىگى زور. ءوسىپ-ءونىپ كەلەمىز. ايجان, امانجان, ايزەرە ەسىمدى ءۇش نەمەرەمنىڭ ەكەۋى باستاۋىشتا وقيدى, كىشىسى – بالاباقشادا. مەن نەمەرەلەرىمدى باعىپ-قاعىپ, ۇلىم مەن كەلىنىمنىڭ الاڭسىز جۇمىس ىستەۋىنە قولعابىس ەتىپ وتىرمىن. ويتكەنى ەكەۋىنىڭ الاتىن جاردەماقىلارى قايدان جەتسىن؟ وسى كۇنى ازىق-ت ۇلىك, كيىم-كەشەك تۇگەل قىمبات. كەلىنىم كۇندەلىكتى تابىسىن تاۋىپ, سول ولقىلىقتىڭ ورنىن تولتىرۋعا تىرىسىپ, تەپەڭدەپ ءجۇر. بۇل ورايدا كاسىپ اشىپ, ەڭبەك ەتەم دەۋشىلەرگە دەمەۋ بولىپ وتىرعان ۇكىمەتكە ريزامىز. سوناۋ 2017 جىلى قايتارىمسىز 1 ملن تەڭگە بەرىپ, سوعان ءىس ماشينالارىن, تىگۋگە قاجەت قۇرالدارىن, ينە-ءجىبىن ساتىپ الىپ, كاسىبىن اشقان كەلىنىم ەلدىڭ الدىنا ءتۇسىپ كەتپەسە دە, كەم قالماي, تىرشىلىگىن جاساپ كەلەدى», دەيدى فەلدشەر بولىپ زەينەتكە شىققان ەنەسى زياش راشقانوۆا.
تۇلا بويى تۇڭعىشىنىڭ اتىمەن اتالاتىن «ايجان» تىگىن تسەحىنا كەلەتىن كىسى قاراسى قاي ۋاقىتتا دا ۇزىلمەگەن.
«گ ۇلىمنىڭ قولىنان ءبارى كەلەدى. باستاپقىدا كيىمدەردى قىسقارتۋمەن اينالىسسا, بۇگىندە كورپە, پەردە تىگۋدى ەركىن مەڭگەرىپ الدى. كوز جاۋىن الاتىن قۇراقتار قۇرايدى. بالاباقشالاردان ەرتەڭگىلىككە قاجەت كيىم تىگىپ بەرۋىنە سۇرانىستار تۇسەدى. ءسويتىپ, تاباندىلىعى مەن شەبەرلىگىنىڭ ارقاسىندا كوپتىڭ كوڭىلىنەن شىعىپ, العىسىن الىپ جاتادى. تىگىنشىلىكتىڭ قىر-سىرىن جەتىك مەڭگەرىپ العان قۇربىمىزدان ءبىزدىڭ دە ۇيرەنەرىمىز كوپ», دەيدى بازاردا بىرگە جۇمىس ىستەيتىن ءمارزيا.
ءبىر جاسىنان قۇلاعىنان ق ۇلىق اعىپ, سوڭىندا ەستۋ قابىلەتىن جوعالتقان مەدەت ىلىپبەكوۆ تە مەملەكەتتىك باعدارلاما اياسىندا ەڭبەكپەن قامتىلىپ, تۇراقتى تابىس تاۋىپ وتىر. تاعدىردىڭ جازۋىنا وكپە ارتپاي, جارىق دۇنيەنىڭ قادىرىن ءبىلىپ, ءومىردىڭ قۋانىشىن كوبەيتىپ, ىرىس-نەسبەسىن ارتتىرىپ وتىرعان قوس جۇرەكتىڭ ماقساتى – ۇل-قىزدارىن تاربيەلى, ءبىلىمدى ءارى ەڭبەكقور ەتىپ ءوسىرۋ. ويتكەنى ادال ەڭبەكپەن تاپقان نان ءتاتتى.
الماتى وبلىسى