جاپونيانىڭ ۇكىمەتى تولىعىمەن وتستاۆكاعا كەتتى, دەپ حابارلايدى Egemen.kz Kyodo News+ باسىلىمىنا سىلتەمە جاساپ.
ءتيىستى شەشىمدى جاپونيا پرەمەر-ءمينيسترى فۋميو كيشيدا قابىلدادى. ول مينيستر لاۋازىمىنا بەس ايەلدى تاعايىندادى. بۇل جاپونيا تاريحىنداعى ۇكىمەتتەگى ايەلدەردىڭ ەڭ كوپ سانى.
ف.كيشيدا 19 ءمينيستردىڭ ىشىنەن 11 جاڭا تۇلعانى تاڭداپ الدى, سونىمەن بىرگە مينيسترلەر كابينەتىنىڭ بىرنەشە نەگىزگى مۇشەلەرىن قالدىردى. سىرتقى ىستەر ءمينيسترى بولىپ بۇرىنعى ادىلەت ءمينيسترى يوكو كاميكاۆا تاعايىندالدى.
قارجى ءمينيسترى شۋنيچي سۋزۋكي, مينيسترلەر كابينەتىنىڭ باس حاتشىسى حيروكازۋ ماتسۋنو جانە ونەركاسىپ ءمينيسترى ياسۋتوشي نيشيمۋرا ءوز ورىندارىندا قالدى. ماتسۋنو مەن نيشيمۋرا وزدەرىنىڭ كونسەرۆاتيۆتى ساياسي كوزقاراستارىمەن تانىمال.
جاپونيانىڭ قورعانىس ءمينيسترى بولىپ بۇرىنعى پرەمەر-مينيستر يوسيحيدە سۋگانىڭ ارنايى كەڭەسشىسى بولعان مينورۋ كيحارا تاعايىندالدى. كيحارا تايۆانمەن بايلانىستاردى دامىتۋعا ارنالعان ەكى پارتيالىق توپتىڭ اعا مۇشەسى.
كابينەتتىڭ باسقا جاڭا مۇشەلەرىنە دەنساۋلىق ساقتاۋ ءمينيسترى كەيزو تاكەمي, قايتا قۇرۋ ءمينيسترى كيناكو تسۋچيا جانە اۋىل شارۋاشىلىعى ءمينيسترى يچيرو مياشيتا كىرەدى.
قارجى مينيسترلىگىنىڭ باسشىسى شۋنيچي سۋزۋكي, ەلدىڭ ەكونوميكالىق قاۋىپسىزدىك ءمينيسترى ساناە تاكايچي جانە تسيفرلاندىرۋ ءمينيسترى تارو كونو دا جاڭا ۇكىمەتتە ءوز مىندەتتەرىن اتقارا بەرەدى.