پرەمەر-مينيستر ءاليحان سمايىلوۆتىڭ توراعالىعىمەن وتكەن ەكونوميكانى دەمونوپوليزاتسيالاۋ جونىندەگى كوميسسيانىڭ وتىرىسىندا رەسپۋبليكانىڭ بىرقاتار جىلۋ-ەلەكتر ورتالىعىنىڭ (جەو) قىزمەتىن تەكسەرۋ قورىتىندىسى قارالدى.
پروكۋراتۋرا ورگاندارى 11 جەكەمەنشىك جەو-دا جىلۋ-ەنەرگەتيكا جانە تابيعي مونوپوليالار سالاسىنداعى زاڭنامانىڭ ساقتالۋىنا تەكسەرۋ جۇرگىزدى. تەكسەرۋ بارىسىندا كەيبىر نىساندا جۇيەلى كەمشىلىكتەر مەن زاڭ بۇزۋشىلىقتار انىقتالدى. قاي ستانسادا دا قوندىرعىلاردىڭ ابدەن توزىعى جەتكەن, بۇل جاعداي جىلۋ بەرۋ ماۋسىمىندا اپاتتارعا اكەلۋى مۇمكىن.
تالقىلاۋ قورىتىندىسى بويىنشا ۋاكىلەتتى ورگاندارعا ستانسالاردا كۇردەلى جوندەۋ مەن مودەرنيزاتسيالاۋدى قامتاماسىز ەتۋ بويىنشا مەنشىك يەلەرىمەن جۇمىس ىستەۋ تاپسىرىلدى. ۇكىمەت باسشىسى 2023-2024 جىلدارعا ارنالعان ناقتى جۇمىس كەستەسىن بەلگىلەپ, ونىڭ ورىندالۋىن باقىلاۋدى تالاپ ەتتى. مىندەتتەمەلەر بۇزىلعان جاعدايدا ستانسالاردى مەملەكەت مەنشىگىنە قايتارۋ شارالارى قابىلدانادى.
سونداي-اق كوميسسيا وتىرىسىندا ەلىمىزدىڭ ءىرى ونەركاسىپ كاسىپورىندارىن گازبەن قامتاماسىز ەتۋ سالاسىنداعى ءتيىمسىز مونوپوليست دەلدالداردى جويۋ ماسەلەسى دە تالقىلاندى. ءتيىستى ينفراقۇرىلىمى بار بۇل كومپانيالارداعى مەملەكەتتىك ۇلەستەر كەزىندە ارزانداتىلعان باعامەن جەكە قولعا وتكەن. ناتيجەسىندە, بۇل گاز تاسىمالداۋ نارىعىنىڭ مونوپوليالانۋىنا جانە قىزمەت كورسەتۋ تاريفتەرىنىڭ كوتەرىلۋىنە الىپ كەلدى.
ءاليحان سمايىلوۆ ۋاكiلەتتi ۆەدومستۆولارعا وسى اكتيۆتەردi قازاقستان زاڭناماسىنىڭ تالاپتارىنا ساي مەملەكەت مەنشiگiنە قايتارۋ ماسەلەسiن جەدەل پىسىقتاۋدى تاپسىردى.