قازاقستان مۇسىلماندارى ءدىني باسقارماسى وقۋشى قىزداردىڭ مەكتەپكە ورامال تاعىپ بارۋىنا قاتىستى مالىمدەمە جاريالادى. بۇل تۋرالى اعابەك قونارباي ۇلى Facebook پاراقشاسىندا جازدى, دەپ حابارلايدى Egemen.kz.
«شاريعات بويىنشا باليعات جاسىنا تولعان مۇسىلمان قىزعا ورامال تاعۋ پارىز. ءمۇفتيات مۇنى جوققا شىعارعان ەمەس. سول سەكىلدى ءبىلىم الۋدىڭ ۇكىمى دە پارىز», دەپ جازدى ا.قونارباي ۇلى.
ونىڭ جازۋىنشا, شاريعات باليعاتقا تولماعان قىزعا ورامال تاعۋدى مىندەتتەمەيدى.
جىل سايىن جاڭا وقۋ جىلى قارساڭىندا وقۋشى قىزداردىڭ مەكتەپكە ورامال تاعىپ بارۋىنا قاتىستى ماسەلە ءمۇفتيات قىزمەتكەرلەرىن دە بەي-جاي قالدىرمايدى. قمدب ءوز قۇزىرەتى اياسىندا بۇل ماسەلەگە قاتىستى ۋاكىلەتتى مەملەكەتتىك مەكەمەلەرگە بىرقاتار ۇسىنىس جىبەرگەن ەدى.