فۋتبولدان كەلەسى جىلى گەرمانيادا وتەتىن ەۋروپا چەمپيوناتىنا ىرىكتەۋ اياسىنداعى 6-تۋردا قازاقستان قۇراماسى سولتۇستىك يرلانديا فۋتبولشىلارىن 1:0 ەسەبىمەن ۇتتى. 27-مينۋتتا ماكسيم سامورودوۆ گول سوعىپ, قۇرامانى العا شىعاردى, دەپ حابارلايدى Egemen.kz.
ن توبىندا التى ماتچتان كەيىن قازاقستان قۇراماسى 12 ۇپاي جيناپ, تۋرنير كەستەسىندە 2-ساتىعا جايعاستى. قازاقستان فۋتبولىنىڭ تاريحىندا ءبىزدىڭ قۇراما بۇرىن-سوڭدى ىرىكتەۋ كەزەڭىندە 12 ۇپاي جيناعان ەمەس. باس باپكەر ماگومەد اديەۆ باپتايتىن جىگىتتەر سول بەلەسكە شىقتى. قۇراما فۋتبولشىلار ىرىكتەۋدىڭ كەلەسى ماتچىن 14 قازاندا سىرت الاڭدا دانيا قۇراماسىنا قارسى وتكىزەدى.