پرەمەر-ءمينيستردىڭ ورىنباسارى سەرىك جۇمانعاريننىڭ توراعالىعىمەن ەگىن جيناۋ ناۋقانى, ازىق-ت ۇلىك تاۋارلارى باعاسىن تۇراقتى ۇستاۋ ءۇشىن قولعا الىنعان شارالاردىڭ بارىسى تۋرالى كەڭەس ءوتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سۇيەنىپ.
كەڭەستە ساۋدا جانە ينتەگراتسيا مينيسترلىگى ساۋدا كوميتەتىنىڭ توراعاسى ايدار ابىلدابەكوۆ 14 قىركۇيەكتە جامبىل وبلىسىندا پياز جارمەڭكەسى جوسپارلانعانىن, وعان بارلىق ءوڭىر مەن ءىرى ساۋدا جەلىلەرى شاقىرىلعانىن ايتتى. ساۋدا كوميتەتىنىڭ توراعاسى ەلەكتروندىق شوت-فاكتۋرالار (ەشف) ارقىلى وندىرۋشىدەن دۇكەن سورەلەرىنە دەيىنگى ءامات-قا باعا بەلگىلەۋ تىزبەگىن تالداۋ جونىندەگى ۆەدومستۆونىڭ جۇمىسى تۋرالى باياندادى.
«جىل باسىنان بەرى 814 تىزبەككە تالداۋ جۇرگىزىلدى, 146 فاكت بويىنشا ساۋدا ۇستەمەسىنەن اسىرۋ تاۋەكەلدەرى انىقتالدى. كەيبىر ايماقتاردا ءبىرىنشى ساناتتاعى جۇمىرتقالاردىڭ باعاسى قاتتى وسكەن. ءبىز 5 ءوندىرۋشى بويىنشا ەشف-عا جان-جاقتى تالداۋ جۇرگىزدىك, “ۆوروبەۆ ا.ا.” جشس جۇمىرتقا باعاسىن رۇقسات ەتىلگەن ۇستەمەدەن اسىرعانى انىقتالدى, ول قۇس فابريكاسىنان جانە باسقا كوتەرمە ساۋداگەردەن جۇمىرتقا ساتىپ الىپ, ودان 35%-دان 131%-عا دەيىن پايدا كورىپ وتىرعان. “DOSAUTO KZ” جشس “ادەل كۋس” جشس-دان جۇمىرتقا الىپ, ساتۋ كەزىندە وعان 71% ۇستەمە قوسىپ وتىرعانىن», دەپ ايتتى كوميتەت باسشىسى.
«كۇرىش بويىنشا باعا جاعدايىن بولەك قاراستىرىلدى. وتكەن اپتادا ءامات باعاسىنىڭ 0,1%-عا تومەندەۋىنە قاراماستان, كۇرىشتىڭ قۇنى 1,1%-عا ءوستى. اۋىل شارۋاشىلىعى ۆيتسە-ءمينيسترى ەربول تاسجۇرەكوۆتىڭ مالىمەتىنشە, قازىرگى ۋاقىتتا وسى جىلدىڭ ماۋسىم ايىندا قىزىلوردادا وتكەن كۇرىش جارمەڭكەسىنە قاراماستان, 4 ءوڭىر عانا (اقمولا, قوستاناي جانە تۇركىستان وبلىستارى, شىمكەنت ق.) وسى جارمانىڭ ءۇش ايعا قاجەتتى كولەمى بويىنشا كەلىسىمشارتقا وتىرعان. اۋتسايدەرلەر – شقو (قاجەتتىلىكتەن 9%), بقو – 22%, اقتوبە – 36%. كەڭەس قورىتىندىسى بويىنشا سەرىك جۇمانعارين كوكونىستەردى ساقتايتىن بارلىق نىساندى ەسەپكە قويۋ بويىنشا جۇمىس جۇرگىزۋدى, وڭىرلەرگە تۇراقتى باعانى قامتاماسىز ەتۋ ءۇشىن نەگىزگى ازىق-ت ۇلىك تاۋارلارىنىڭ قاجەتتى قورىن قالىپتاستىرۋ جۇمىستارىن كۇشەيتۋدى تاپسىردى», دەلىنگەن حابارلامادا.