8 قىركۇيەكتە ساعات 20:30 شاماسىندا اقتاۋ قالاسىنداعى «امفيتەاتر» الاڭىندا «ۇلتتىق بانكتىڭ 100 جىلدىعىنا» ارنالعان كونتسەرت ۇيىمداستىرىلدى. اتالعان شارانىڭ قاۋىپسىزدىگىن قامتاماسىز ەتۋگە ۇلتتىق ۇلاننىڭ 6656 اسكەري ءبولىمىنىڭ جاۋىنگەرلەرى تارتىلدى, دەپ حابارلايدى Egemen.kz.
ۇلاندىقتار قىزمەتىن اتقارۋ كەزىندە جاس جىگىتتىڭ ءوزىن ناشار سەزىنىپ, ەسىنەن تانىپ قالعانىن بايقادى. قاتارداعىلار مىرزاحان ماكين مەن ايدىن سماتوۆتان قۇرالعان اسكەري جاساق دەرەۋ ەر ادامعا جاقىنداپ, راديوستانتسيا بويىنشا سانيتارلىق نۇسقاۋشى سەرجانت نۇرسۇلتان نوعاەۆتى شاقىرتادى. سودان كەيىن ول العاشقى مەديتسينالىق كومەك كورسەتىپ, جەدەل جاردەمگە قوڭىراۋ سوعادى.
مەديتسينا قىزمەتكەرلەرى كەلگەن سوڭ ناۋقاس ماڭعىستاۋ وبلىستىق اۋرۋحاناسىنا جەتكىزىلدى.
- ۇلتتىق ۇلان جاۋىنگەرلەرى تەك قوعامدىق ءتارتىپتى قامتاماسىز ەتپەيدى. كەيدە قالا تۇرعىندارىنا مەديتسينالىق كومەك تە كورسەتۋگە تۋرا كەلەدى. ءبىز ەسىنەن تانىپ قالعان ادامدى بايقادىق. ويلانۋعا ۋاقىت بولمادى - كومەكتەسۋگە تۋرا كەلدى. ادامنىڭ ءومىرى بارىنەن قىمبات, - دەپ ءبولىستى 6656 اسكەري ءبولىمىنىڭ مەديتسينالىق پۋنكتىنىڭ فەلدشەرى سەرجانت نۇرسۇلتان تاستەمىروۆ.