استانانىڭ سىرت كەلبەتىن بىرىڭعاي ديزاين-كودقا سايكەستەندىرۋ جۇمىسى جالعاسىپ جاتىر. جىل باسىنان بەرى بارلىق اۋداندا عيماراتتاردىڭ قاسبەتىنەن ءۇش مىڭنان استام جارنامالىق بيلبورد, ماڭدايشا مەن دوڭگەلەكتى جارنامالار الىنىپ تاستالدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
اكىمدىكتىڭ مالىمەتىنشە, بيىل تامىز ايىندا قالادا 636 جارنامالىق ەلەمەنت انىقتالعان.ء ۇش مىڭنان استام ماڭدايشا مەن سىرتقى جارناما ەلەمەنتى بولشەكتەلگەن.
«عيماراتتاردىڭ قاسبەتىنەن سايكەس كەلمەيتىن جارنامالىق بەلگىلەر مەن باننەرلەر الىنىپ تاستالادى. مۇنداي وزگەرىستەر قالانىڭ كوركىن ارتتىرا تۇسەدى. بەس اۋدان اكىمدىگىنىڭ قىزمەتكەرلەرى زاڭسىز جانە سايكەس كەلمەيتىن جارنامانىڭ ديزاين-كودىن ءتۇسىندىرۋ جانە بولشەكتەۋ بويىنشا كوشپەلى ءىس-شارالار وتكىزىپ جاتىر. كاسىپكەرلەرگە ءتيىستى ءتۇسىندىرۋ جۇمىسى جۇرگىزىلەدى, ديزاين-كودقا سايكەس كەلمەيتىن ماڭدايشالاردى اۋىستىرۋ قاجەتتىلىگى تۋرالى بۋكلەتتەر بەرىلەدى», دەلىنگەن اكىمدىك تاراتقان اقپاراتتا.