پاۆلودار وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى تەكسەرۋ بارىسىندا 515 كەلى بالىق, 2,5 توننا ارتەميا-سالينا شايانىن تاركىلەدى, دەپ حابارلايدى Egemen.kz دەپارتامەنتتىڭ ءباسپاسوز قىزمەتىنە سىلتەمە جاساپ.
«براكونەر» جەدەل-پروفيلاكتيكالىق ءىس-شاراسىن وتكىزۋ كەزىندە پوليتسيا قىزمەتكەرلەرى 515 كەلى زاڭسىز اۋلانعان بالىق پەن 2,5 توننا ارتەميا-سالينا شايانىن تاركىلەدى.
پاۆلودار قالاسىندا 35 جاستاعى جەرگىلىكتى تۇرعىننىڭ باسقارۋىمەن Mitsubishi Montero Sport اۆتوكولىگى توقتاتىلدى. اۆتو سالونىن قاراۋ كەزىندە جەدەل قىزمەتكەرلەر جالپى سالماعى 515 كەلى بولاتىن 23 قاپ بالىق (موڭكە, سازان) تاۋىپ الىپ, تاركىلەدى. جۇرگىزۋشىدە بالىق اۋلاۋعا رۇقسات بەرەتىن قۇجاتتار بولعان جوق. انىقتالعانداي, تۇرعىن پاۆلودار وبلىسىنداعى كولدەردىڭ بىرىندە بالىقتى زاڭسىز اۋلاعان. سونىمەن بىرگە 3 قىركۇيەك كۇنى رەيدتىك ءىس-شارالار بارىسىندا پوليتسەيلەر پاۆلودار قالاسىنىڭ تۇرعىنىن ۇستادى, ونىڭ گازەل كولىگىنەن جالپى سالماعى 2,5 توننادان اساتىن 53 قاپ ارتەميا-سالينا شايانى تابىلدى», دەلىنگەن حابارلامادا.
پاۆلودار وبلىسى پد ۇيىمداسقان قىلمىسقا قارسى كۇرەس باسقارماسىنىڭ باستىعى عابيت قابدراحمانوۆ ءتيىستى ساراپتاما تاعايىندالىپ, اتالعان فاكتىلەر بويىنشا قر قك-ءنىڭ 335-بابىمەن سوتقا دەيىنگى تەرگەپ-تەكسەرۋ باستالعانىن مالىمدەدى.