«قازاقستان حالقىنا» قورى ءبىلىم گرانتى يەگەرلەرىنىڭ ءتىزىمىن جاريالادى. ءتىزىمدى قوردىڭ سايتىنان كورۋگە بولادى, دەپ حابارلايدى Egemen.kz.
ءبىلىم گرانتتارى تالاپكەرلەرگە باعدارلامانىڭ مىناداي كريتەريلەرى بويىنشا بەرىلدى:
اۋىلدىق جەرلەردەگى, شاعىن جانە مونوقالالارداعى از قامتىلعان وتباسىلاردان - 197 تالاپكەر نەمەسە 24,1%; جەتىم نەمەسە كامەلەتكە تولعانعا دەيىن اتا-اناسىنىڭ قامقورلىعىنسىز قالعان بالالار - 177 تالاپكەر نەمەسە 21,6%; مۇگەدەكتىگى بار - 181 تالاپكەر نەمەسە 22,1%; مۇگەدەك بالالاردى تاربيەلەپ وتىرعان وتباسىلاردان - 261 تالاپكەر نەمەسە 31,8%; 2022 جىلعى قاڭتارداعى قايعىلى وقيعا كەزىندە قايتىس بولعان قر ازاماتتارىنىڭ بالالارى - 2 تالاپكەر; 2022 جىلعى قاڭتارداعى قايعىلى وقيعا كەزىندە جارالانعان بالالار - 1 تالاپكەر.