اگروونەركاسىپ ولشەمى – وڭدەلگەن ءونىم

اۋىل تۇرعىندارى مەملەكەت باسشىسى قاسىم-جومارت توقاەۆتىڭ كۇنى كەشەگى «ادىلەتتى قازاقستاننىڭ ەكونوميكالىق باعدارى» اتتى جولداۋىنا ەرەكشە قولداۋ كورسەتىپ وتىر. ويتكەنى پرەزيدەنت اگروونەركاسىپ كەشەنىندە ناقتى سەرپىلىس جاساۋ قاجەتتىگىن ايتتى. الداعى ءۇش جىل ىشىندە اگروونەركاسىپتەگى وڭدەلگەن ءونىم ۇلەسىن 70 پايىزعا جەتكىزۋدى مىندەتتەدى. جۇرتتى ءونىم وڭدەۋگە ىنتالاندىرۋ جولىن دا اتاپ كورسەتتى, ياعني سالىق ساياساتىن قايتا قاراۋ قاجەت.

وسى ورايدا تۇركىستان وبلىسىندا ەگىستىكتى ءارتاراپتان­دىرۋ­دىڭ ناتيجەسىندە 3 ملن توننا كوكونىس, باقشا, كارتوپ ونىم­دەرى جينالعانىن ايتا كەتەلىك. جىل سوڭىنا دەيىن ءونىم كولەمىن ارتتىرۋ كوزدەلىپ وتىر. وبلىستا وڭدەۋ ونەركاسىبى سالاسىندا يىرىلگەن جىپتەر, ماتالار مەن كىلەمدەر ءوندىرىسى, توقىما كلاستەرىنىڭ بىرلەسكەن كاسىپورىندارىن قۇرۋ مۇمكىندىگى زور. ماقتاارال اۋدانىندا ماقتا تالشىعىن وڭدەيتىن زاۋىتىنىڭ قۇرىلىس جۇمىستارى باستالدى. الداعى ۋاقىتتا زاۋىتتا 50 جەرگىلىكتى تۇرعىن ءۇشىن جاڭا جۇمىس ورنى اشىلادى. بيىل 360 ملرد تەڭگەگە اۋىل شارۋاشى­لى­عى ونىمدەرى ءوندىرىلدى. ەلىمىز­دە سالىنعان جىلىجايلاردىڭ 71 پايىزى وبلىسقا تيەسىلى. ونىڭ جالپى كولەمى 1 مىڭ 577 گەكتارعا جەتىپ, 117 مىڭ توننا ءونىم ءوندىرىلدى. وسى جۇمىستاردى جانە وندىرىلگەن ونىمدەردى تەرەڭ وڭدەۋ باعىتىن جانداندىرا ءتۇسۋ ماڭىزدى. مەملەكەت باسشىسى جولداۋىندا «اۋىل اماناتى» باعدارلاماسىنىڭ ەلگە قاجەت ەكەنى ايقىن كورىنگەنىن اتاپ ءوتتى. جەڭىلدەتىلگەن نەسيە بەرۋمەن شەكتەلىپ قالماي, جەكە قوسالقى شارۋاشىلىق يەلەرى ءوزارا بىرىگۋى قاجەتتىگىن ايتتى. ءيا, «اۋىل اماناتى» جوباسى تۇركىستان وبلىسىندا ءوزىنىڭ ەكونوميكالىق جانە الەۋمەتتىك تيىمدىلىگىن كورسەتە باستادى. اۋىل تۇرعىندارى ءوز كاسىبىن اشىپ جانە دامىتۋدى قولعا العان. تۇرعىنداردىڭ ءال-اۋقا­تىن ارتتىرىپ, تابىسىن مولاي­تۋعا نەگىزدەلگەن «اۋىل اماناتى» جوباسى اياسىندا وبلىستا 3 220 جوبا قارجىلاندىرىلا­دى, 3500-گە جۋىق جاڭا جۇمىس ورىندارى اشىلادى دەپ كۇتىلۋدە. باعدار­لاما اياسىندا اتاۋلى الەۋ­مەت­تىك كومەك الۋشىلارعا قولداۋ كورسەتىپ, ولاردى كاسىپكە بەيىمدەۋ جوسپارلانعان.

سونداي-اق شارۋالاردىڭ ەرتەڭگە سەنىمىن نىعايتىپ وتىرعان – ىشكى سۋ رەسۋرستارىن ۇنەمدەپ پايدالانۋدىڭ ماڭىزدىلىعى. پرەزيدەنت سۋدى ۇنەمدەيتىن تەحنولوگيا وتە باياۋ ەنگىزىلىپ جات­قانىن ايتتى. «ەلىمىزدىڭ كەيبىر وڭىرلەرىندە سۋدى ەڭ كوپ جۇمسايتىن اۋىل شارۋاشىلىعى سالاسىندا ونىڭ 40 پايىزى بوسقا ىسىراپ بولىپ جاتىر. سۋ شارۋاشىلىعى نىساندارىنىڭ 60 پايىزى توزىپ تۇر. ولقىلىقتىڭ ورنىن تولتىرۋ ءۇشىن وتە باتىل جانە شۇعىل شارالار قاجەت», دەدى مەملەكەت باسشىسى. ءيا, سۋ تاپشىلىعى ماسەلەسى تولىق شەشىلمەگەن تۇركىستاندىق ديقاندار ءۇشىن پرەزيدەنتتىڭ ەڭ الدىمەن, سۋدى ۇنەمدەيتىن وزىق تەحنولوگيانى ەنگىزۋ ءىسىن تەزدەتىپ, ونى قولدانۋ اۋماعىن جىل سايىن 150 مىڭ گەكتارعا دەيىن كەڭەيتۋ جونىندەگى تاپسىرماسىنىڭ ورىندالۋى ماڭىزدى. مىسالى, ماقتالى اۋدانداردا اعىن سۋ ماسەلەسى وزەكتى. بۇل ورايدا كانالداردىڭ سۋ وتكىزۋ مۇمكىندىگىن ارتتىرۋ ءۇشىن 193 ملن تەڭگە قارالىپ, ۇزىندىعى 306 شاقىرىمدى قۇرايتىن 6 كانال كۇردەلى جوندەۋدەن وتكىزىلمەك. بۇل ءبىر عانا مىسال, جالپى سۋدى ۇنەمدەۋگە ءاربىر ازاماتتىڭ جاۋاپ­كەرشىلىكپەن قاراۋى بۇگىندە اسا ماڭىزدى.

پرەزيدەنت تۇركىستاندا وتكەن ۇلتتىق قۇرىلتايدا كرەاتيۆتى يندۋستريانى جاڭا دەڭگەيگە كوتەرۋ قاجەتتىگىن ايتقان بولاتىن. بۇل ويىن كەشەگى جولداۋدا ناقتى باستامالارمەن ايقىنداپ بەردى. ياعني تالانتتاردى تارتاتىن شىعارماشىلىق يندۋستريا­نىڭ ورتالىقتارى ءاربىر وبلىس ورتالىعىندا, ءاربىر ءىرى قالادا بولۋعا ءتيىس.  سونداي-اق پرەزيدەنت جولداۋىندا ۇكىمەتكە قازىرگى دەموگرافيالىق احۋالدى ەلىمىزدىڭ باسەكەگە قابىلەتىن ارتتىرۋعا پايدالانۋدى مىندەتتەدى. بۇل ورايدا دەموگرافيالىق ءوسىمى جوعارى وڭىردە جاستاردى جۇمىسپەن قامتۋ, ءوز الەۋەتىن تولىق پايدالانۋ­عا مۇمكىندىك جاساۋ ماڭىزدى. تۇركىستان وبلىسىندا بيىلدىڭ ءىى توقسان قورىتىندىسى بو­يىنشا 15-35 جاسقا دەيىنگى جاس­تار اراسىنداعى جۇمىسسىزدىق دەڭگەيى 3%-دى (12 186 جاس) قۇراپ وتىر. بيىل «2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباسىن» جۇزەگە اسىرۋعا 84,0 مىڭ ادامدى جۇمىسپەن قامتۋ شارالارى­نا قاتىستىرۋ جوسپارلانسا, ونىڭ 33 252-ءى (46,1%) جاستار. وب­لىس كولەمىندە مەملەكەتتىك باع­دارلامالار, سونىڭ ىشىندە «جاس­تار پراكتيكاسى» ارقىلى 3 167 جاس, «قوعامدىق جۇمىسقا» –

5 893, «الەۋمەتتىك جۇمىس ورنى» نە­گىزىندە – 1 668, «العاشقى جۇمىس ورنى» ارقىلى 1 199 جاس جۇمىسپەن قامتىلىپ وتىر. ەلدىڭ ەرتەڭىنە قاتىستى ناقتى باس­تامالار كوتەرىلگەن, ماڭىزدى مىندەتتەر قويىلعان جولداۋدى ءوڭىر جۇرتشىلىعى قولداۋمەن قاتار جۇزەگە اسىرىلۋىنا قوماقتى ۇلەس قوساتىنىنا سەنىمدىمىز.

ءبايدىلدا جىلقىشيەۆ,

تۇركىستان وبلىسى قوعامدىق كەڭەسىنىڭ توراعاسى,

ۇلتتىق قۇرىلتاي مۇشەسى