قر پرەزيدەنتى اكىمشىلىگىنىڭ كەلىسىمىمەن عالىمجان الماسبەك ۇلى ەلەۋوۆ اقتوبە وبلىسى اكىمىنىڭ ورىنباسارى لاۋازىمىنا تاعايىندالدى, دەپ حابارلايدى Egemen.kz اتالعان وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
ول 1978 جىلى اقتوبە قالاسىندا دۇنيەگە كەلگەن.
2001 جىلى مارات وسپانوۆ اتىنداعى باتىس قازاقستان مەملەكەتتىك مەديتسينا اكادەمياسىن, 2008 جىلى استانا قالاسىنداعى قازاق مەملەكەتتىك زاڭ اكادەمياسىن, 2011 جىلى نازارباەۆ ۋنيۆەرسيتەتىنىڭ جوعارى بيزنەس مەكتەبىن بىتىرگەن. ەڭبەك جولىن اقتوبە قالالىق ەمحانادا قاراپايىم دارىگەر بولىپ باستاعان ع.الماسبەك ۇلى باس دارىگەردىڭ ورىنباسارى لاۋازىمىنا دەيىن قىزمەت اتقارعان. 2010-2021 جىلدارى اقتوبە, استانا قالالارىنداعى جەكە وڭالتۋ مەديتسينالىق ورتالىقتارىنىڭ ديرەكتورى قىزمەتتەرىن اتقاردى. عالىمجان ەلەۋوۆ - مەديتسينا عىلىمدارىنىڭ كانديداتى, قاۋىمداستىرىلعان پروفەسسور.
2021 جىلدىڭ قاڭتار ايىنان باستاپ قازاقستان رەسپۋبليكاسى پارلامەنتى ءماجىلىسىنىڭ 7, 8 شاقىرىلىمدارىنداعى دەپۋتاتى بولدى.
ايتا كەتەيىك, ورتالىق سايلاۋ كوميسسياسى 1 قىركۇيەكتە ەكس-دەپۋتاتتىڭ وكىلەتتىگىن مەرزىمىنەن بۇرىن توقتاتۋعا ءوتىنىش بەرگەنى تۋرالى مالىمدەگەن ەدى.