باسپانالى بولۋ باقىتى

اۋداندىق قۇرىلىس ءبو­لى­مىنىڭ باسشىسى التىن­بەك عاب­دۋلليننىڭ ايتۋىن­شا, «نۇرلى جەر» باعدارلا­ماسى­مەن يندەربور كەن­تىندەگى «كوك­تەم» شاعىن اۋدانىندا 4 تۇرعىن ءۇي بوي كوتەرگەن. ونىڭ ار­قاي­سىسىندا 48 پا­تەر بار. ءتورت قاباتتى تۇر­عىن ۇيلەردىڭ قۇرىلىسىن «ەۆرو­ستروي» جشس, اباتتان­دى­رۋ جۇمىستارىن «اگروس­پەتس­مون­­تاج» جشس جۇرگىزگەن. جاڭا تۇرعىن ۇيلەر ورتا­لىق­تاندىرىلعان جىلۋ قازان­دى­عىنا قوسىلعان.

يندەر اۋدانى اكىمىنىڭ ورىنباسارى اسەت ورازعا­ليەۆتىڭ دەرەگىنە سۇيەنسەك, مەملەكەتتىك باعدارلاما اياسىندا سالىنعان تۇرعىن ۇيدەن 192 وتباسىنا جاڭا پاتەر بەرىلىپ وتىر. ونىڭ ىشىندە كوپبالالى – 106, الەۋمەتتىك تۇرمىسى تومەن 69 وتباسى بار. سونداي-اق اتا-انا قامقورلىعىن كورمەي وسكەن 17 ءجاسوسپىرىم دە جاڭا باسپاناعا يە بولدى.

ماسەلەن, رايگۇل بوتا­ە­ۆانىڭ وتباسى اسىراۋشىسىنان ايىرىلعاندار ساناتىنا كىرەدى. بۇعان دەيىن باسىبايلى باسپاناسى بولماعان. سول سەبەپتەن, 20 جىلعا جۋىق پاتەر جالداپ كەلگەن.

«بۇل – ءبىزدىڭ كوپ جىل ار­مانداعان باسپانامىز. ويتكەنى تابىسىمىز­دان قار­جى جيناپ, ءۇي الۋعا مۇم­كىن­دىگىمىز بولمادى. ەن­دى, مىنە, مەم­لەكەتتىك باع­دارلا­مامەن سالىنعان تۇرعىن ۇيدەن جاڭا پاتەر­دىڭ كىلتىن الدىق. قۋانىشقا كەنەلىپ تۇرمىز. اسىرەسە بالالارىمىزدىڭ قۋان­عانىن كورۋدەن اسقان با­قىت بولمايتىنىنا كوزىم جەتتى», دەيدى رايگۇل بو­تاەۆا.

ءبىر كۇندە 192 وتباسى ءبىر-ءبىرىنىڭ كول-كوسىر قۋانىشىن ءبولىسىپ, باس­پانالى بولۋ با­قى­تىنا بو­لەندى. ونىڭ ىشىن­دە ءبىر-ءبىرىنىڭ قۋانىشىن بو­لىس­كەن ءبىرىنشى توپتاعى قى­زىن تاربيەلەپ وتىرعان ن.وتە­گەنوۆا, كوپبالالى ب.يب­راەۆا, م.قايىرجانقىزى, گ.قاب­­دولو­ۆا سىندى انالار دا بار.

اتىراۋ وبلىسى